ຈົບລົງໄປເປັນທີ່ຮຽບຮ້ອຍແລ້ວສຳລັບການແຂ່ງຂັນຂອງກິລາບານເຕະອາຍຸບໍ່ເກີນ 16 ປີ ຫຼື U-16 ທີ່ປະເທດກຳປູເຈຍເປັນເຈົ້າພາບ, ເຊີ່ງວ່າການແຂ່ງຂັນໃນວັນທີ 9 ສິງຫາທີ່ຜ່ານມານີ້ ທີມຊາດລາວເຮົາລົງແຂ່ງຂັນພົບກັບທີມຊາດອົດສະຕາລີ ໃນເວລາ 15:30 ໂມງ ຜົນປະກົດລາວເຮົາໃຫ້ອົດສະຕາລີໄປ 02-10 ປະຕູ, ສ່ວນອີກໜື່ງຄູ່ແມ່ນການແຂ່ງຂັນລະຫວ່າງທີມຊາດໄທພົບກັບທີມຊາດມຽນມາ ໃນເວລາ 18:30 ໂມງ ຜົນປະກົດທີມຊາດໄທເອົາຊະນະທີມຊາດມຽນມາ 3-0 ປະຕູ, ເຮັດໃຫ້ທີມຊາດໄທຄວ້າແຊ້ມໄປໃນທີ່ສຸດ
ສະຫຼຸບອັນດັນທີ 1 ທີມຊາດໄທ (ແຊ້ມ), ອັນດັບທີ 2 ທີມຊາດມຽນມາ (ຮອງແຊ້ມ), ອັນດັບທີ 2 ອົດສະຕາລີ, ່ສວນອັບດັບທີ 4 ແມ່ນທີມຊາດລາວເຮົາ, ແຕ່ກໍ່ຖືວ່າທາງຄູເຝິກແລະນັກເຕະທີມຊາດລາວໄດ້ປະສົບການມາຫຼາຍພໍສົມຄວນເພາະວ່າມີຜົນງານທີ່ໂດດເດັ່ນ ໂດຍສະເພາະແມ່ນດາວຊັນໂວຂອງທີມຊາດລາວເຮົາແມ່ນ ບຸນພະຈັນ ບຸນກອງ ຍິງ 5 ປະຕູ, ໄຊຍະພອນ ແສງສະຫວ່າງ ຍິງ 4 ປະຕູ , ນາລິນ ຍິງ 2 ປະຕູ, ທັດສະພອນ ໄຊສຸກ ຍິງ 1 ປະຕູ ແຕ່ກໍ່ບໍ່ເປັນຫຍັງແຟນບານເຕະລາວຍັງຄົງເປັນກຳລັງໃຈສະໜັບສະໜູນນັກເຕະລາວກັນຕໍ່ໄປ