ເຮັດຈັ່ງໃດເມື່ອຈຳເປັນຕ້ອງປ່ອຍເດັກນ້ອຍໄວ້ໃນລົດຄົນດຽວ ຫລື ຫາກພົບເຫັນເດັກນ້ອຍຖືກລືມໄວ້ໃນລົດ ຕ້ອງຮີບຊ່ວຍເຫລືອໂດຍດ່ວນ ເພາະການຖິ້ມເດັກນ້ອຍໄວ້ໃນລົດທີ່ຈອດຕາກແດດໄວ້ພຽງແຕ່ 5-10 ນາທີກໍອາດຈະເສຍຊີວິດໄດ້
ເດັກທີ່ຖືກລືມຖິ້ມໄວ້ໃນລົດທີ່ຈອດຕາກແດດໄວ້ ກໍເໝືອນຖືກຖິ້ມໄວ້ໃນຕູ້ອົບທີ່ພາຍໃນລົດຈະຄ່ອຍໆ ເພີ່ມຄວາມຮ້ອນຂຶ້ນ ຊຶ່ງອາດເຮັດໃຫ້ເດັກເກີດພາວະ Heat Stroke ສົ່ງຜົນໃຫ້ເກີດອາການ ຈັງ ເປັນລົມ ນ້ຳລາຍຟູມປາກ ຈົນໝົດສະຕິແລະເສຍຊີວິດໄດ້
ຫາກຈຳເປັນຕ້ອງປ່ອຍເດັກໄວ້ໃນລົດຄົນດຽວ ຄວນເອົາແວ່ນທັງ 4 ດ້ານລົງ 1 ໃນ 4 ເພື່ອໃຫ້ອາກາດຖ່າຍເທໄດ້ສະດວກ ແລະບໍ່ຄວນຖິ້ມເດັກໄວ້ດົນເກີນ 10 ນາທີ ແຕ່ກໍລະນີທີ່ພົບເດັກເລີ່ມເກີດພາວະ Heat Stroke ໃຫ້ຮີບນຳເດັກອອກມານອນໃນທີ່ຮົ່ມ ອາກາດຖ່າຍເທສະດວກ ຫລືເປີດພັດລົມໃຫ້ອາກາດໝຸນວຽນ, ຖອດຊຸດອອກ ເພື່ອໃຫ້ຮ່າງກາຍຜ່ອນຄາຍ ຫາຜ້າຈຸ່ມນ້ຳມາເຊັດໜ້າ ຫົວ ຄໍ ແຂນ ຂາ ຈາກນັ້ນໃຫ້ຮີບນຳຕົວສົ່ງໂຮງຫມໍດ່ວນ