ນັກວິໄຈຈາກມະຫາວິທະຍາໄລຮາວາດ ແລະມະຫາວິທະຍາໄລແຫ່ງຊາດໂຊນໃນເກົາຫລີໃຕ້ເຮັດການສຶກສາຊີວິດຂອງຈິງໂຈ້ນ້ຳ ຫຼື ແມງນ້ຳ (water striders) ເຊີ່ງມັນສາມາດເຄື່ອນທີ່ເທິງຜິວນ້ຳໄດ້ ເພື່ອໃຊ້ໃນການອອກແບບຫຸ່ນຍົນ
ຫຸ່ນຍົນຮຽນແບບຈິງໂຈ້ນ້ຳນີ້ມີນ້ຳໜັກພຽງແຕ່ 68 ມິນລິກຣາມ ລຳຕົວຍາວ 2 ຊັງຕິແມັດ ແລະສ່ວນຂາຍາວ 5 ຊັງຕິແມັດ ໂດຍຕົວຫຸ່ນຍົນຈະໃຊ້ແຮງຕຶງຜິວນ້ຳຊ່ວຍໃນການໂດດອອກຈາກຜິວນ້ຳ ໂດຍທີ່ບໍ່ທະລຸຜິວນ້ຳເລີຍເຊັ່ນດຽວກັບຈິງໂຈ້ນ້ຳຕາມທຳມະຊາດແທ້ໆ
ນັກວິທະຍາສາດໄດ້ລາຍງານເລື່ອງນີ້ໃນລາຍງານວິທະຍາສາດເມື່ອວັນທີ່ 31 ກໍລະກົດທີ່ຜ່ານມາ
ການໂດດຂຶ້ນຈາກນ້ຳຂອງຈິງໂຈ້ນ້ຳແລະຫຸ່ນຍົນຈິງໂຈ້ນ້ຳນັ້ນ ມັນຈະແຜ່ຂາທັງ 4 ຂອງມັນເພື່ອກະຈາຍນ້ຳໜັກແລະຫຸບສ່ວນຂາເຂົ້າຫາລຳຕົວໜ້ອຍໜື່ງ ໂດຍປາຍຂາທີ່ໂຄ້ງມົນຂອງມັນເຮັດໃຫ້ມັນບໍ່ທະລຸລົງໄປໃນນ້ຳເມື່ອມັນໂດດ
ຫຸ່ນຍົນຈິງໂຈ້ນ້ຳສາມາດໂດດເທິງພື້ນດິນໄດ້ເຊັ່ນດຽວກັບໃນນ້ຳ ເຊີ່ງຫຸ່ນຍົນຈິງໂຈ້ນ້ຳໃນຍຸກທຳອິດນັ້ນບໍ່ສາມາດດີດຕົວຂຶ້ນສູ່ອາກາດໄດ້ຫລັງຈາກໂດດຈາກຜິວນ້ຳແລ້ວ
ຫລາຍຄົນອາດຈະສົງໄສເຖິງປະໂຫຍດຂອງງານວິໄຈນີ້ ເຊີ່ງຄຳຕອບກໍຄືພັດທະນາໄປໃຊ້ໃນການຈັດການກວດສອບຄຸນນະພາບນ້ຳເພື່ອໃຊ້ສຳລວດແຫລ່ງນ້ຳຕາມທຳມະຊາດນັ້ນເອງ