spot_img
Homeຂ່າວການສຶກສາຫວຽດນາມ ໃຫ້ທຶນການສຶກສາລາວ ພັນທຶນ

ຫວຽດນາມ ໃຫ້ທຶນການສຶກສາລາວ ພັນທຶນ

Published on

11822794_421879461349173_6067743415475716143_n

ລັດຖະບານຫວຽດນາມ ໃຫ້ທຶນການສຶກສາລາວ ພັນທຶນ

ຂປລ, ໃນສົກປີ 2015-2016 ລັດຖະບານ ສສ ຫວຽດນາມ ໃຫ້ທຶນການສຶກສາແກ່ພະນັກງານ, ນັກສຶກ ສາລາວ ໄປຮຽນຢູ່ ສສ ຫວຽດນາມ ຈຳນວນ 1.000 ທຶນ, ຮຽນລະບົບມະຫາວິທະຍາໄລ, ເໜືອມະຫາວິທະຍາໄລ ແລະ ບຳລຸງໄລຍະສັ້ນ(ນັບທັງທຶນປ້ອງກັນຊາດ-ປ້ອງກັນຄວາມສະຫງົບ ແລະ 30 ທຶນ ໃຫ້ແກ່ລູກຫລານຊາວ ຫວຽດນາມ ຕ່າງດ້າວ ຢູ່ ລາວ), ເຊິ່ງທັງສອງຝ່າຍເປັນເອກະພາບ ຮັກສາຈຳນວນເບ້ຍລ້ຽງ ດັ່ງກ່າວຮອດປີ 2020.
ກອງປະຊຸມຄັ້ງທີ 37 ຂອງຄະນະກຳມະການ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ວ່າດ້ວຍການຮ່ວມມືທະວິພາຄີ ໃນເດືອນມັງກອນ ປີ2015 ຢູ່ນະຄອນຫລວງຮ່າໂນ້ຍ ສສ ຫວຽດນາມ ໃຫ້ຮູ້ວ່າ: ສົກຮຽນ2014 – 2015 ຈຳນວນພະນັກງານ, ນັກສຶກສາລາວ ທີ່ກຳລັງຮຽນ ແລະ ຄົ້ນຄວ້າຢູ່ ຫວຽດນາມ ມີທັງໝົດຈຳນວນ 9.295 ຄົນ(ທຶນລັດຖະບານ ມີ 3.780 ຄົນ, ທຶນຮ່ວມມືຂອງບັນດາທ້ອງຖິ່ນ ແລະ ບັນດາກະຊວງ, ຂະແໜງການ 3.092 ຄົນ, ທຶນສ່ວນຕົວ 2.295 ຄົນ, ທຶນຈາກບັນດາບໍລິສັດຫວຽດນາມ ທີ່ມາລົງ ທຶນຢູ່ລາວ 110 ຄົນ ແລະ ທຶນອົງການຈັດຕັ້ງສາກົນ 20 ຄົນ) ເຊັ່ນດຽວກັນ ຈຳນວນນັກສຶກສາຫວຽດນາມ ກຳລັງ ຮຽນຢູ່ ລາວ ມີຈຳນວນ 428 ຄົນ ໃນນັ້ນທຶນລັດຖະບານ 194 ຄົນ.
ໃນປີ 2014 ຜ່ານມາ ສະຖານທູດຫວຽດນາມ ປະຈຳລາວ ໄດ້ຄັດເລືອກເອົາລູກ ຫລານຊາວຫວຽດນາມ ຕ່າງດ້າວ ຈຳນວນ 27 ທຶນ ໄປຮຽນຢູ່ຫວຽດນາມ, ໄດ້ຈັດສັນທຶນຈາກແຫລ່ງທຶນຊ່ວຍເຫລືອລ້າ ໃຫ້ກະຊວງສຶກ ສາທິການ ແລະ ກິລາ ເພື່ອບຳລຸງສ້າງພາສາຫວຽດນາມ ຂັ້ນພື້ນຖານຢູ່ລາວ ໃຫ້ແກ່ນັກສຶກສາທີ່ກຽມໄປຮຽນຢູ່ ຫວຽດນາມ ຈຳນວນ 2 ຕື້ດົງ.

ແຫຼ່ງຂ່າວ:
11822705_421088098094976_3970842708351530393_n

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...