ສຳນັກຂ່າວຕ່າງປະເທດ ລາຍງານໃນວັນທີ 6 ສິງຫານີ້ວ່າ ເຮືອປະມົງທີ່ໂດຍສານຜູ້ອົບພະຍົບ 600 ຄົນ ຫລົ້ມກາງທະເລເມດິແຕຣານຽນ ນອກຊາຍຝັ່ງປະເທດລີບີ 15 ໄມທະເລ ໃນຂະນະທີ່ກຳລັງມຸ່ງໜ້າເຂົ້າສູ່ເອີຣົບ ໂດຍເຮືອຂອງເຈົ້າໜ້າທີ່ອຽກລັງ ແລະ ເຈົ້າໜ້າທີ່ສາກົນ ສາມາດຊ່ວຍເຫລືອຂຶ້ນມາໄດ້ 250 ຄົນ ແລະ ມີພົບຜູ້ເສຍຊີວິດ 16 ຄົນ ສ່ວນທີ່ເຫລືອອີກ 300 ກ່ວາຄົນ ຍັງບໍ່ຮູ້ຊາຕາກຳ ຊຶ່ງເຈົ້າໜ້າທີ່ສຳນັກງານຂ້າຫລວງໃຫຍ່ຜູ້ລີ້ໄພແຫ່ງສະຫະປະຊາຊາດ ຫລື UNHCR ໄດ້ປະສານສົ່ງເຮືອເຂົ້າໄປຄົ້ນຫາຜູ້ລອດຊີວິດເພີ່ມອີກແລ້ວ 3 ລຳ.