ສຳນັກຂ່າວຕ່າງປະເທດ ລາຍງານໃນວັນທີ 5 ສິງຫານີ້ວ່າ ເກີດເຫດເຮລິຄອບເຕີ້ UH-60 ຂອງຕຳຫລວດໂກລົມບີ ຕົກໃນປ່າເຂດອັນໂຊກີຍາ ທາງພາກຕາເວັນຕົກສຽງເໜືອຂອງປະເທດ ລະຫວ່າງອອກປະຕິບັດການກວາດລ້າງແກ໊ງຄ້າຢາເສບຕິດໃນມື້ວານນີ້ (4 ສິງຫາ) ເປັນເຫດເຮັດໃຫ້ມີເຈົ້າໜ້າທີ່ຕຳຫລວດ ເສຍຊີວິດ 15 ຄົນ ແລະ ບາດເຈັບ 2 ຄົນ ໂດຍເຈົ້າໜ້າທີ່ຂອງໂກລົມບີລະບຸວ່າເກີດຈາກສາເຫດບັນຫາເຄື່ອງຈັກຂອງຍົນຂັດຂ້ອງ.