ກິ່ນເໝັນພາຍໃນລົດ ເປັນສິ່ງທີ່ຄົນໃຊ້ລົດບໍ່ມັກແລະບໍ່ຢາກໃຫ້ມັນເກີດ ເພາະກິ່ນເໝັນຈະເຮັດໃຫ້ການເດິນທາງເປັນເລື່ອງທີ່ບໍ່ມັກເລີຍແຫລະ ບໍ່ວ່າຈະເປັນການຈາລະຈອນທີ່ຕິດຂັດ ບໍ່ວ່າຈະເປັນຄົນຂັບລົດຄົນອື່ນຂັບລົດບໍ່ດີ ຍັງຕ້ອງມາພົບກັບກິ່ນເໝັນອີກ ແຕ່ບັນຫາເຫລົ່ານັ້ນຈະໝົດໄປເພາະຄວາມຮູ້ເລື່ອງລົດທີ່ Laopost.com ນຳມາຝາກໃນມື້ນີ້ນັ້ນຄື ລົດມີກິ່ນເໝັນ ຈະກຳຈັດກິ່ນໄດ້ຈັ່ງໃດງ່າຍໜ້ອຍດຽງ ແຖມຍັງບໍ່ໄດ້ເສຍເງິນຈັກກີບ
ໂດຍທຳອິດເຮົາຈະຕ້ອງຕາມຫາທີ່ມາຂອງກິ່ນເໝັນເຫລົ່ານັ້ນໃນລົດເສຍກ່ອນ ເຊີ່ງຫລັກໆແລ້ວກິ່ນເໝັນຈະມີທີ່ມາ 2 ບ່ອນນັ້ນກໍຄື ກິ່ນຈາກແອແລະກິ່ນພາຍໃນລົດເອງເຊີ່ງຈະມີວິທີກຳຈັດກິ່ນທີ່ແຕກຕ່າງກັນ
ກິ່ນເໝັນທີ່ມາຈາກພາຍໃນລົດ ບໍ່ວ່າຈະເປັນກິ່ນເບາະຜ້າຫລືເບາະໜັງແລະພົມ ເມື່ອລົດເຈົ້າມີກິ່ນເໝັນຈາກສິ່ງເຫລົ່ານັ້ນຕ້ອງຮີບເຮັດຄວາມສະອາດໂດຍດ່ວນ ດ້ວຍນຳສະບູ່ອ່ອນໆມາເຊັດບໍລິເວນທີ່ມີກິ່ນໃຫ້ທົ່ວແລ້ວຈຶ່ງນຳລົດໄປຈອດຕາກແດດເປີດແວ່ນຫລືປະຕູຖິ້ມໄວ້ປະມານ 1-2 ຊົ່ວໂມງ ກໍຈະສາມາດກຳຈັດກິ່ນພາຍໃນລົດໄດ້ ນອກຈາກນີ້ແລ້ວເຮົາຍັງສາມາດດັບກິ່ນເໝັນໄດ້ດ້ວຍການນຳນ້ຳສົ້ມສາຍຊູ ໃສ່ແກ້ວຕັ້ງຖິ້ມໄວ້ໃນລົດປະມານ 1-2 ຊົ່ວໂມງອີກດ້ວຍ
ສຳລັບກິ່ນເໝັນທີ່ມາຈາກຊ່ອງແອ ໂດຍສ່ວນຫລາຍຈະເກີດຂຶ້ນຫລັງຈາກທີ່ເຮົາທຳການສະຕາດເຄື່ອງ ແລ້ວເປີດແອ ເຊີ່ງວິທີແກ້ໄຂກໍບໍ່ຍາກພຽງແຕ່ເຮົາກໍ່ການເປີດພັດລົມແອຖິ້ມໄວ້ໂດຍປິດສ່ວນທີ່ເຮັດຄວາມເຢັນກ່ອນດັບເຄື່ອງປະມານ 4-5 ນາທີ ກໍຈະສາມາດໄລ່ກິ່ນເໝັນອອກຈາກບໍລິເວນທໍ່ແອໄດ້ແລ້ວ
ແຕ່ຖ້າລອງວິທີທີ່ເຮົາແນະນຳໄປແລ້ວຍັງມີກິ່ນຢູ່ອາດຈະຕ້ອງນຳລົດເຂົ້າບໍລິການລ້າງລົດ ຫລືປ່ຽນພົມ, ຜ້າຫລືໜັງຂອງເບາະ ເພື່ອໃຫ້ກິ່ນເຫລົ່ານັ້ນຫາຍໄປ 100% ກໍໄດ້ ສຳລັບຄວາມຮູ້ເລື່ອງການເບິ່ງແຍງລົດທີ່ເຮົານຳມາໃຫ້ ໃນມື້ນີ້ຄົງເປັນປະໂຫຍດກັບໝູ່ເພື່ອນໆ ໃນເທື່ອຕໍ່ໄປຈະເປັນເລື່ອງຫຍັງນັ້ນກໍຕ້ອງຕິດຕາມກັນໃຫ້ດີທີ່ Laopost.com