spot_img
Homeຂ່າວພາຍ​ໃນຫາດຊາຍຟອງ ຍັງຄອຍຄວາມຫວັງປັບປຸງເສັ້ນທາງເລກ 11 ຕອນໃຕ້

ຫາດຊາຍຟອງ ຍັງຄອຍຄວາມຫວັງປັບປຸງເສັ້ນທາງເລກ 11 ຕອນໃຕ້

Published on

ຫາດຊາຍຟອງ ຍັງຄອຍຄວາມຫວັງປັບປຸງເສັ້ນທາງເລກ 11 ຕອນໃຕ້

ຕາມ​ການ​ໃຫ້​ສຳພາດ​ຂອງ​ທ່ານ ພູ​ທົງ ລັດຕະນະ​ວົງ ຫົວໜ້າ​ຫ້ອງການ​ໂຍທາ​ທິ​ການ ແລະ ຂົນສົ່ງ ເມືອງ​ຫາດ​ຊາຍ​ຟອງ ນະຄອນຫຼວງ​ວຽງ​ຈັນ ຕໍ່​ນັກ​ຂ່າວ​ເມືອງ​ຫາດ​ຊາຍ​ຟອງ ໃນ​ວັນ​ທີ 21 ສິງຫາ 2013 ກ່ຽວ​ກັບ​ການ​ປັບປຸງ​ສ້ອມແປງ​ເສັ້ນທາງ​ເລກ 11 ຕອນ​ໃຕ້ (ຖະໜົນ​ທ່າ​ເດື່ອ) ໃຫ້​ຮູ້​ວ່າ: ສະພາບ​ຂອງ​ເສັ້ນທາງ​ສາຍ​ຫຼັກ​ເລກ 11 ຕອນ​ໃຕ້ ໃນ​ປັດຈຸບັນ ກໍ​ຄື​ທີ່​ຜ່ານ​ມາ ແມ່ນ​ໄດ້​ຮັບ​ການ​ພັດທະນາ ແລະ ປັບປຸງ​ຢ່າງ​ລຽນຕິດ ແຕ່​ກໍ​ຍັງ​ບໍ່​ໄດ້​ມາດຕະຖານ ພຽງ​ແຕ່​ວ່າ​ແກ້​ໄຂ​ສະເພາະ​ໜ້າ ສ້ອມແປງ​ພໍ​ໃຫ້​ທຽວ​ໄປ​ມາ​ໄດ້ ເນື່ອງ​ຈາ​ກວ່າ​ງົບປະມານ​ທີ່​ນຳ​ມາ​ປັບປຸງ​ເສັ້ນທາງ​ແມ່ນ​ບໍ່​ພຽງພໍ ທີ່​ຜ່ານ​ມາ​ແມ່ນ​ໄດ້​ລະດົມ​ນຳ​ບັນດາ​ບໍລິສັດ ຂຸດ​ຄົ້ນ​ຫີນ-ຊາຍ ນັກທຸລະກິດ ຊາວ​ຄ້າຂາຍ ແລະ ພໍ່​ແມ່​ປະຊາຊົນ ຢູ່​ໃນ​ເຂດ​ດັ່ງກ່າວ​ນັ້ນ ແຕ່​ຕົກ​ມາ​ຮອດ​ປັດຈຸບັນ​ນີ້ ສະພາບ​ເສັ້ນທາງ​ແມ່ນ​ເປ່​ເພ​ຫຼາຍ​ທີ່​ສຸດ ແລະ ສາເຫດ​ທີ່​ພາໃຫ້​ເສັ້ນທາງ​ເກີດ​ເປັນ​ຂຸມ ເປັນ​ບວກ ແລະ ເປັນ​ຄື້ນ ນັ້ນ​ແມ່ນ​ມາ​ຈາກ​ໄພ​ທຳ​ມະ​ຊາດ ເກີດ​ຈາກ​ການ​ບັນທຸກ​ໜັກ​ເກີນ​ກຳນົດ​ຂອງ​ລົດ​ຂົນ​ຫີນ-ຊາຍ ແລະ ບັນທຸກ​ອື່ນໆ ນອກ​ນັ້ນ​ກໍ​ຍັງ​ບໍ່​ໄດ້​ຮັບ​ການ​ສ້ອມແປງ​ເປັນ​ເວລາ​ດົນ ຈຶ່ງ​ເຮັດ​ໃຫ້​ເສັ້ນທາງ​ດັ່ງກ່າວ​ຊຸດໂຊມ​ເປັນ​ອຳມະພາດ ຜ່ານ​ມາ​ເມືອງ​ກໍ​ໄດ້​ມີ​ການ​ປັບປຸງ ລະດົມ​ບໍລິສັດ ນັກທຸລະກິດ ຊາວ​ຄ້າຂາຍ ປະຊາຊົນ​ມີ​ສ່ວນ​ຮ່ວມ​ໃນ​ການ​ສ້ອມແປງ​ເສັ້ນທາງ​ແລ້ວ ປະມານ 7-8 ຄັ້ງ ແປງ​ໄດ້ 4 ຈຸດ​ຄື ຈຸດ​ທີ່​ເປ່​ເພ​ໜັກ​ແມ່ນ​ຢູ່​ເຂດ​ທ່າ​ມ່ວງ ປ່າ​ຫວ້າ ທ່າ​ເດຶ່ອ ຖິ່ນ​ຕົມ ແລະ ບ່ອນ​ອື່ນໆ ໂດຍ​ໃຊ້​ເງິນ​ຈຳນວນ 7-8 ລ້ານ​ກີບ​ຕໍ່​ຄັ້ງ ເພື່ອ​ເຮັດ​ໃຫ້​ເສັ້ນທາງ​ດັ່ງກ່າວ​ຄືນ​ສູ່​ສະພາບ​ເດີມ ແຕ່​ເຖິງ​ຢ່າງໃດ​ກໍ​ຕາມ​ສຳລັບ​ທິດ​ທາງ​ໃນຕໍ່ໜ້າ ກໍ​ຄື​ແຜນທີ່​ຈະ​ປັບປຸງ​ເສັ້ນທາງ​ໃຫ້​ດີ​ນັ້ນ ເມຶອງ​ຄິດ​ວ່າ​ຄົງ​ຍັງ​ກຳນົດ​ບໍ່​​ທັນ​ໄດ້​ເທື່ອ ເພາະ​ຢູ່​ໃນ​ໄລຍະ​ທີ່​ລໍຖ້າ​ໂຄງການ​ກໍ່ສ້າງ​ເສັ້ນທາງ​ເບ​ຕົງ​ເສີມ​ເຫຼັກ ທີ່​ໄດ້​ເຊັນ​ສັນຍາ​ກັບ​ບໍລິສັດ ຈິດ​ຈະເລີນ​ກໍ່ສ້າງ​ຂົວ​ທາງ ຈຳກັດ ໃນ​ປີ 2012 ທີ່​ຜ່ານ​ມາ​ນັ້ນ ໂດຍ​ມີ​ຈຸດ​ທີ່​ຈະ​ສ້ອມແປງ​ເສັ້ນທາງ​ແຕ່​ຂົວ​ມິດຕະພາບ-ຊາຍ​ແດນ​ເມືອງ ມີ​ຄວາມ​ຍາວ​ປະມານ 20 ກວ່າ​ກິໂລແມັດ ແຕ່​ບໍ່​ທັນ​ໄດ້​ລົງມື​ກໍ່ສ້າງ ເນື່ອງ​ຈາ​ກວ່າ​ຍັງ​ຄາ​ຄູ​ກັນ​ນ້ຳ ປັດຈຸບັນ ທາງ​ເມືອງ​ມີ​ແຕ່​ໄດ້​ລົງ​ສຳ​ຫຼວດ ປະ​ເມີນ​ລາຄາ ແລະ ນຳ​ສົ່ງ​ພະ​ແນກ​ໂຍທາ​ທິ​ການ ແລະ ຂົນສົ່ງ​ນະຄອນຫຼວງ​ແລ້ວ ເພື່ອ​ໃຫ້​ມີ​ທິດ​ທາງ​ຊອກ​ຫາ​ແຫຼ່ງ​ທຶນ ມາ​ສ້ອມແປງ​ເສັ້ນທາງ​ດັ່ງກ່າວ​ໃຫ້​ສຳເລັດ​ໂດຍ​ໄວ​ທີ່​ສຸດ ໃນ​ສະເພາະ​ໜ້າ​ນີ້ ເມືອງ​ກໍ​ໄດ້​ພະຍາຍາມ​ແກ້​ໄຂ​ສະພາບ​ເສັ້ນທາງ ໂດຍ​ສືບຕໍ່​ລະດົມ​ນຳ​ບັນດາ​ບໍລິສັດ ນັກທຸລະກິດ ແລະ ອື່ນໆ ເພື່ອ​ຊອກ​ຫາ​ວິທີ​ແກ້​ໄຂ​ນຳ​ກັນ ແລະ ສິ່ງ​ສຳຄັນ​ແມ່ນ​ຢາກ​ຮຽກຮ້ອງ​ມາ​ຍັງ​ບັນດາ​ຜູ້​ໃຊ້​ລົດ​ໃຊ້​ຖະໜົນ ຈົ່ງ​ຊ່ວຍ​ກັນ​ປົກ​ປັກ​ຮັກສາ​ຖະໜົນ​ຫົນທາງ ໂດຍ​ສະເພາະ​ລົດ​ບັນທຸກ​ຫີນ-ຊາຍ ແມ່ນ​ຫ້າມ​ບໍ່​ໃຫ້​ບັນທຸກ​ໜັກ​ເກີນ​ຂອບ​ເຂດ ແລະ ຫ້າມ​ດັດແປງ​ສະພາບ​ເຕັກນິກ​ຂອງ​ພາຫະນະ​ເດັດຂາດ ໃນ​ເມື່ອ​ຫົນທາງ​ເປ່​ເພ​ກໍ​ຕ້ອງ​ໃຫ້​ມີ​ສ່ວນ​ຮ່ວມ​ນຳ​ກັນ ຂໍ​ໃຫ້​ພາກສ່ວນ​ທີ່​ກ່ຽວຂ້ອງ​ຂັ້ນ​ເທິງ ຈົ່ງ​ໃຫ້​ຄວາມ​ສຳຄັນ ແລະ ເຫັນໃຈ​ນຳ​ເມືອງ​ດ້ວຍ ເພື່ອ​ນຳ​ເອົາ​ແຫຼ່ງ​ທຶນ​ມາ​ພັດທະນາ​ຖະໜົນ​ຫົນທາງ ເພາະ​ເມືອງ​ດັ່ງກ່າວ​ເປັນ​ເມືອງ​ໜ້າ​ດ່ານ ເປັນ​ໃບ​ໜ້າ​ໃບ​ຕາ​ຂອງ​ນະຄອນຫຼວງ​ວຽງ​ຈັນ ຖ້າ​ມີ​ຖະໜົນ​ຫົນທາງ​ດີ ໄປ​ມາ​ສະດວກ ສະບາຍ ການ​ພັດທະນາ​ເສດຖະກິດ ກໍ​ຄື​ພື້ນຖານ​ໂຄງ​ລ່າງ​ກໍ​ຈະ​ດີ​ຂຶ້ນ.

ທີ່ມາhttp://www.vientianemai.net

ບົດຄວາມຫຼ້າສຸດ

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...

ສະຫຼຸບຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ພ້ອມທັງວາງແຜນທິດທາງວຽກຈຸດສຸມ ເດືອນກັນຍາ 2025

ຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ແລະ ອັດລົງໃນຕອນເຊົ້າ ວັນທີ 26 ສິງຫາ2025 ທີ່ສໍານັກງານນາຍົກລັດຖະມົນຕີ,...