ຂປລ.ຕາມ ຂ່າວຕ່າງປະເທດ, ໃນວັນທີ 2 ສິງຫາ 2015, ລັດຖະບານຟີລິບປິນ ເລັ່ງໃຫ້ການຊ່ວຍເຫລືອປະ ຊາຊົນທີ່ບໍ່ມີທີ່ຢູ່ອາໄສ ຍ້ອນໄດ້ຮັບຜົນກະທົບຈາກພາຍຸໄຫ່ຢຽນ(Haiyan)ທີ່ພັດເຂົ້າ ຢ່າງຮຸນແຮງໃນປີ2013.
ທ່ານ ເຮີມິນິໂອ ໂຄໂລມາ, ໂຄສົກຂອງປະທານາທິບໍດີຟີລິບປິນກ່າວວ່າ: ລັດຖະບານບໍ່ພຽງແຕ່ພະຍາຍາມຫາເຮືອນໃໝ່ໃຫ້ກັບຜູ້ບໍ່ມີທີ່ຢູ່ອາ ໄສ ຍ້ອນພາຍຸເທົ່ານັ້ນ ແຕ່ຍັງພະຍາຍາມຫາທາງຮັບ ປະກັນວ່າຈະໄປຢູ່ໃນສະຖານທີ່ປອດໄພກວ່າເກົ່າ ໂດຍສະເພາະການສ້າງບ້ານຖາວອນທີ່ເໝາະສົມ ແລະ ປອດໄພ ເພື່ອເຮັດໃຫ້ປະຊາຊົນປະມານ 2.000 ຄອບຄົວ ໄດ້ມີຊີວິດການເປັນຢູ່ທີ່ດີຂຶ້ນ ແລະ ມີວຽກເຮັດງານທຳ ໃນການຟື້ນຟູ ຫລັງຈາກໄພພິບັດທີ່ເກີດຂຶ້ນ. ນອກນີ້ ລັດຖະບານຍັງໄດ້ຈັດສັນງົບປະມານປີ 2016 ຈຳນວນໜຶ່ງເພື່ອນຳໃຊ້ເຂົ້າໃນການຕັ້ງຊຸມຊົນຂອງຜູ້ປະສົບໄພຈາກ ພາຍຸໄຫ່ຢຽນ ແລະ ຜູ້ທີ່ພັດຖິ່ນເນື່ອງຈາກຄວາມຮຸນແຮງໃນພາກໃຕ້.
ຂອບໃຈຂ່າວຈາກ:
