ແມ່ນວ່າແມງໄມ້ນັ້ນອາດເບິ່ງບໍ່ໜ້າກິນປານໃດ ແຕ່ນັກວິທະຍາສາດສະຫາລັດອະເມລິກາຊີ້ແຈງວ່າ ແມງໄມ້ນັ້ນອາດຈະເປັນແຫລ່ງໂປຣຕີນທາງເລືອກທີ່ມີຄຸນຄ່າທາງອາຫານທີ່ພຽງພໍ ແຕ່ບໍ່ໄດ້ຮັບຄວາມສົນໃຈກ່ອນໜ້ານີ້
ສາດສະດາຈານ ດຮ. ຈອນ ຄູບແລນ ແຫ່ງມະຫາວິທະຍາໄລເພນນ໌ ສະເຕດ ສະຫາລັດອະເມລິກາ ແລະສະຖາບັນເທກໂນໂລຍີອາຫານ ອອກມາເຜີຍແຜ່ເຖິງຂໍ້ດີຂອງແມງໄມ້ທີ່ເປັນຫຍັງເຮົາຄວນກິນ
1: ອຸດົມໄປດ້ວຍໂປຣຕີນ– ຈີ່ຫລໍ່ມີໂປຣຕີນ 65 ເປີເຊັນ ໃນຂະນະທີ່ເນື້ອງົວມີໂປຣຕີນພຽງແຕ່ 50 ເປີເຊັນເທົ່ານັ້ນ
2: ອຸດົມໄປດ້ວຍສານອາຫານອື່ນໆ– ໂປຣຕີນຈາກແມງໄມ້ມີກົດອະມິໂນຫລາຍຊະນິດ ແລະຍັງມີວິຕາມິນ ເກືອແຮ່ ກົດໄຂມັນບໍ່ອິ່ມຕົວ ແລະກົດໄຂມັນໂພລີບໍ່ອິ່ມຕົວ
3: ໄຂມັນຕ່ຳ– ແມງໄມ້ຫລາຍຊະນິດມີໄຂມັນລວມກັນໃນຈານນ້ອຍກວ່າ 5 ກຣາມເທົ່ານັ້ນ
4: ດີຕໍ່ສິ່ງແວດລ້ອມ– ການເຮັດຟາມແມງໄມ້ນັ້ນມີຄວາມຍັ່ງຍືນໃນທາງປະຕິບັດ ເພາະແມງໄມ້ບໍ່ຕ້ອງໃຊ້ພື້ນທີ່ຫລາຍ ແລະສາມາດມີຊີວິດຢູ່ໄດ້ໃນສະພາບແລດລ້ອມທີ່ຫລາກຫລາຍ ແລະລ້ຽງງ່າຍ
5: ກິນໄດ້ຫລາຍວິທີ– ແມງໄມ້ສາມາດນຳໄປຕົ້ມ ຜັດ ປິ້ງ ຫລືອົບດ້ວຍນ້ຳມັນແລະເກືອໄດ້ ແລະຍັງສາມາດປະສົມກັບແປ້ງເພື່ອເຮັດຂະໜົມປັງ ແລະ ຄຸກກີ້ໄດ້
6: ມີປະມານຫລາຍ– ບາງພື້ນທີ່ຂອງໂລກມີແມງໄມ້ຫລາຍກວ່າ 300 ຊະນິດ
7: ລົດຊາດດີ– ບາງຄົນອະທິບາຍລົດຊາດຂອງແມງໄມ້ວ່າຄ້າຍໆກັບຖົ່ວທີ່ມີກິ່ນຂອງກຸ້ງແລະໄກ່ ນອກຈາກນີ້ ບາງປະເທດຍັງກິນຕັກແຕນ ໄຂ່ມັນ ແລະ ຕໍ່ ເປັນປົກກະຕິອີກດ້ວຍ