Homeຂ່າວທ້ອງຖິ່ນຝົນຕົກແຮງຕໍ່ເນື່ອງ! ນ້ຳ​ຖ້ວມ​ຂັງ​ຫລາຍ​ຈຸດ​ຢູ່ ນ.ວ ແລະ ​ແຂວງ​ບໍລິ​ຄຳ​ໄຊ!

ຝົນຕົກແຮງຕໍ່ເນື່ອງ! ນ້ຳ​ຖ້ວມ​ຂັງ​ຫລາຍ​ຈຸດ​ຢູ່ ນ.ວ ແລະ ​ແຂວງ​ບໍລິ​ຄຳ​ໄຊ!

Published on

flood+vientiane

ພາຍຫລັງ​ຝົນຕົກ​ໜັກຕໍ່ເນື່ອງເປັນ​ເວລາ 3 ວັນ​ນັບ​ແຕ່ວັນທີ 29-31 ກໍລະກົດ 2015​ ນີ້​, ໄດ້​ເກີດ​ນໍ້າ​ຖ້ວມ​ຂັງ​ກະທັນຫັນ​ຢູ່​ຖະໜົນ​​ໄກສອນນັບ​ແຕ່​ສາມ​ແຍກ​ບ້ານ​ດົງ​ໂດກ,​ ບ້ານ​ຊ້າງ​ຄູ້ ​​ແລະບ້ານພະ​ຂາວ​ເມືອງ​ໄຊ​ທານີ, ນະຄອນ ຫລວງວຽງຈັນ ​ແລະອີກ​ຫລາຍໆ​ຈຸດ, ໄດ້ສົ່ງ​ຜົນ​ເຮັດ​ໃຫ້ການ​ສັນ​ຈອນໄປມາພົບຄວາມຫຍຸ້ງຍາກ.

ຜູ້​ເດີນທາງສັນຈອນ​ໄປມາ​ໄດ້​ເປີດ​ເຜິຍວ່າ:​ ​ບໍລິ​ເວນນີ້ມັກ​ເກີດນ້ຳ​ຖ້ວມຂັງ​ ແລະ ອັ່ງ​ອໍ​ຍ້ອນ​ຮ່ອງ​ລະ​ບາຍ​ນ້ຳ​ເປື້ອນຕັນບໍ່​ສາມາດລະບາຍນ້ຳ​ທັນ, ອີກດ້ານໜຶ່ງກໍ​ເປັນ​ຍ້ອນ​ມີ​ການ​ພັດທະນາ​ວ່ອງ​ໄວແຕ່​ຂາດ​ການວາງ​ແຜນ​ເປັນ​ລະບົບ​ຄົບ​ຊຸດ,​ໂດຍ​ສະ​ເພາະຖົມ​ດິນ​ເນື້ອ​ທີ່​ນາ, ໜອງ​ ແລະ ດິນ​ເປົ່າ​ຫວ່າງ​ເພື່ອການປຸກ​ສ້າງອາຄານ , ບ້ານ​ ແລະ ​ເຮືອນ. ​ຫລ້າ​ສຸດກົມ​ອຸຕຸນິຍົມ ​ແລະ ອຸ​ທົກ​ກະສາ​ດຍັງ​ແຈ້ງຕຶ່ມອີກວ່າ​ຝົນ​ຈະ​ຍັງ​ສຶບຕໍ່​ຕົກ​ອີກ​ສະ​ນັ້ນ​ຮຽກຮ້ອງ​ໃຫ້​​ເຈົ້າ​ໜ້າ​ທີ່​ກ່ຽວຂ້ອງ​ຄວນ​ລົງ​ໄປ​ຕິດຕາມ​ກວດກາ ​ແລະ ອະນາ​ໄມ​ດ່ວນ, ຖ້າ​ປ່ອຍປະລະ​ເລີຍ​ໄປ​ດົນ​ ຈະ​ເຮັດ​ໃຫ້​ເສັ້ນທາງດັ່ງກ່າວ​ເປ່​ເພ​ເສຍຫາຍ ​ແລະ ສ່ຽງ​ຕໍ່​ການ​ເກີດ​ອຸບັດ​​ເຫດ.

ຂະນະ​ທີ່ ​ແຂວງ​ບໍລິ​ຄຳ​ໄຊກໍ​ເກີດ​ນ້ຳ​ຖ້ວມ​ຂັງ​ຢູ່ 2 ​ເມືອງຄື ເມືອງປາກ​ກະດິງ ​ແລະເມືອງປາກ​ຊັນ ​​​​​ໂດຍລະດັບນໍ້າ​ສູງ​ປະມານ 60 ຊັງ​ຕີ​ແມັດ​ໄດ້ໄຫລ​​ເຂົ້າ​ຖ້ວມ 5 ບ້ານ ​ຄື: ບ້ານນາ​ເຄືອ​ນອກ, ນາ​ເຄືອ​​ໃນ, ນໍ້າກູ້, ນະຄອນ​ສົງ ​ແລະບ້ານຫ້ວຍ​ເພັດຢູ່​ເມືອງ​ປາກ​ກະດິງ. ນອກ​ຈາກ​ນັ້ນ​ ​ຍັງ​ຖ້ວມ​ຕື່ມ​ອີກ 5 ບ້້ານເຊັ່ນ: ກຸ່ມ​ບ້ານ​ພັດທະນາ​ໂພນ​ໄຊ​ໃຕ້, ທ່າ​ບໍ່, ສົມ​ສະຫວາດ, ຫ້ວຍ​ຊາຍ ​ແລະບ້ານທົ່ງ​ຫວານ​ ຢູ່​ເມືອງ​ປາກ​ຊັນ. ປັດຈຸບັນລະດັບ​ນໍ້າ​ໄດ້​ຫລຸດ​ລົງ​ແລ້ວ​ແຕ່​ຝົນ​ຍັງ​ສືບ​ຕໍ່​ຕົກ, ກົມ​ອຸ​ຕຸ​ນິຍົມ ​ແລະ ອຸ​ທົກ​ກະສາດ​ຈຶ່ງ​ແຈ້ງ​​ໃຫ້ພໍ່​ແມ່​ປະຊາຊົນ, ທະຫານ, ຕໍາຫລວດ, ​ແຂກ​ທັງ​ພາຍ​ໃນ ​ແລະຕ່າ​ງປະ​ເທດ​ ຄວນ​ເພີ່ມ​ຄວາມ​ລະມັດລະວັງ ​ແລະຕິດຕາມ​ສະພາບ​ອາກາດ​ຢ່າງ​ໃກ້ຊິດ​ ໂດຍ​ສະ​ເພາະ​ຜູ້​ອາ​​ໄສ​ຢູ່​ແຄມ​ແມ່​ນໍ້າ​ໃຫຍ່-ນ້ອຍ, ຮ່ອມ​ພູ ​ແລະບ່ອນ​ທີ່​ມີ​ຄວາມ​ສ່ຽງ.ນອກຈາກ​ນີ້​ ກໍ​ຕ້ອງ​ກວດກາ​ສະ​ພາບ​ອາກາດ​ກ່ອນ​ເດີນທາງ​ໄປ​ຕ່າງ​ແຂວງ ​ແລະອອກ​ນອກປະ​ເທດເພື່ອ​ຄວາມ​ປອດ​ໄພ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...