WHO ຢືນຢັນວັກຊີນປ້ອງກັນໄວລັດອີໂບລາ ໃຫ້ປະສິດທິພາບປ້ອງກັນພະຍາດ 100% ເປັນຄວາມຫວັງໃໝ່ໃນການຫຍຸດຍັ້ງການແພ່ລະບາດຂອງພະຍາດ
ສຳນັກຂ່າວບີບີຊີຂອງອັງກິດ ມີລາຍງານວ່າ ເມື່ອວັນທີ່ 31 ກໍລະກົດ 2015 ທີ່ຜ່ານມາ ມາລີ ພອນ ຄີນີ ຜູ້ຊ່ວຍຜູ້ອຳນວຍການຂອງອົງການອະນາໄມໂລກ ຫລື WHO ຖະແຫລງຢືນຢັນການທົດສອບວັກຊີນ VSV-EBOV ວັກຊີນປ້ອງກັນໄວລັດອີໂບລາ ໃຫ້ຜົນການປ້ອງກັນໄດ້ 100% ໂດຍຊີ້ແຈງວ່າວັກຊີນເຊີ່ງໄດ້ຮັບການພັດທະນາຈາກຫນ່ວຍງານສາທາລະນະສຸກຂອງແຄນາດາ ແລະໄດ້ຮັບການພັດທະນາຕໍ່ຍອດໂດຍບໍລິສັດ ເມິລ໌ ຈະເປັນຄືຕົວປ່ຽນເກມ ຂອງການແພ່ລະບາດເຊື້ອໄວລັດອີໂບລາເທື່ອໃຫຍ່ທີ່ສຸດໃນປະຫວັດສາດນີ້
ສຳລັບການທົດລອງທາງຄິນິກຂອງວັກຊີນ VSV-EBOV ເກີດຂຶ້ນລະຫວ່າງເດືອນເມສາ-ກໍລະກົດ ທີ່ຜ່ານມາ ໃນປະເທດກິນີເຊີ່ງເປັນພື້ນທີ່ທີ່ມີການລະບາດຂອງພະຍາດ ໂດຍຜູ້ທີ່ຕິດຕໍ່ໃກ້ຊິດກັບຜູ້ປ່ວຍຈະໄດ້ຮັບການສີດວັກຊີນໃນທັນທີ ຫລືບໍ່ເກີນ 3 ອາທິດຕໍ່ມາ ພົບວ່າຜູ້ທີ່ໄດ້ຮັບການສີດວັກຊີນໃນທັນທີບໍ່ມີສັນຍານຂອງການຕິດເຊື້ອ ແລະຕອນນີ້ວັກຊີນດັ່ງກ່າວໄດ້ຖືກນຳມາໃຊ້ສີດໃຫ້ແກ່ເດັກໆ ແລ້ວ
ແມ່ນ WHO ຈະຢືນຢັນວ່າວັກຊີນດັ່ງກ່າວໃຫ້ຜົນໄດ້ 100% ແຕ່ຕົວເລກດັ່ງກ່າວອາດປ່ຽນແປງໄດ້ຕາມການເກັບຂໍ້ມູນຈາກການທົດລອງ ຢ່າງໃດກໍຕາມ ວັກຊີນດັ່ງກ່າວກໍນັບເປັນແສງແຫ່ງຄວາມຫວັງໃນການຢຸດການແພ່ລະບາດຂອງພະຍາດ ໂດຍ ມາລີ ພອນ ຄີນີ ຍັງເຜີຍວ່າ ວັກຊີນຕົວດັ່ງກ່າວຈະຖືກສົ່ງຕໍ່ໄປຍັງພື້ນທີ່ທີ່ພົບການລະບາດຢ່າງໄວທີ່ສຸດ ເພື່ອຫຍຸດຍັ້ງບໍ່ໃຫ້ເກີດໄພພິບັດເຊັ່ນທີ່ຜ່ານມາອີກ