ລົດສີຂາວຖືວ່າໄດ້ຮັບຄວາມນິຍົມເປັນຢ່າງຫລາຍໃນປະຈຸບັນ
ຄວາມຮູ້ກ່ຽວກັບລົດໃນມື້ນີ້ທາງທີມງານຈະພາໝູ່ເພື່ອນໄປພົບກັບເລື່ອງຂອງການປ້ອງກັນລົດສີຂາວບໍ່ໃຫ້ເຫຼືອງໄວເຊີ່ງຜູ້ທີ່ໃຊ້ລົດສີຂາວຫລາຍໆທ່ານນັ້ນອາດຈະເຄີຍບັນຫານີ້ກັນຢ່າງແນ່ນອນ ກັບການທີ່ລົດສີຂາວນັ້ນເກີດເຫລືອງ ເຮົາໄປເບິ່ງກັນເລີຍວ່າວິທີການແກ້ບໍ່ໃຫ້ລົດສີຂາວນັ້ນເຫຼືອງເຮັດແນວໃດ ກັບຄວາມຮູ້ກ່ຽວກັບລົດໃນມື້ນີ້
ລົດສີຂາວຫາກດູແລຮັກສາບໍ່ດີອາດຈະເຮັດໃຫ້ເກີດຄາບເຫຼືອງໝອງກໍເປັນໄດ້
ລົດສີຂາວນັ້ນຖືວ່າເປັນສີລົດ ທີ່ມີການດູແລຮັກສາຄ່ອນຂ້າງຍາກແລະບັນຫາທີ່ມັກຈະພົບເປັນປະຈຳສຳລັບຜູ້ໃຊ້ລົດສີຂາວກໍຄື ສີລົດສີຂາວເລີ່ມປ່ຽນເປັນສີເຫຼືອງ ເຊີ່ງສາເຫດນັ້ນເກີດຈາການດູແລຮັກສາທີ່ບໍ່ຖືກວິທີແຕ່ໃນມື້ນີ້ເຮົາມາເບິ່ງກັນດີກວ່າວ່າຂັ້ນຕອນການເບິ່ງແຍງລົດສີຂາວຢ່າງຖືກວິທີນັ້ນສາມາດເຮັດໄດ້ດັ່ງນີ້
- ບໍ່ຄວນຈອດຕາກແດດເລື້ອຍໆ
ເລື່ອງຂອງການຈອດລົດແຕກແດດນັ້ນຖືວ່າເປັນເລື່ອງທີ່ຫຼີ້ກລ້ຽງໄດ້ຍາກຫລາຍໃນປະຈຸບັນແຕ່ຖ້າຫຼີ້ກລ້ຽງໄດ້ກໍຖືວ່າເປັນສິ່ງທີ່ດີ ເພາະການຈອດລົດຕາກແດດຈະເຮັດໃຫ້ລົດເກີດຄາບໝອງແລະເຫຼືອງໄດ້ໄວກວ່າປົກກະຕິ ທາງທີ່ດີຄວນຫາທີ່ຈອດລົດໄວ້ໃນຮົ່ມ ໃຫ້ຖືກແດດນ້ອຍທີ່ສຸດ
- ລ້າງລົດ 1 ເທື່ອຕໍ່ອາທິດຖືວ່າເປັນເລື່ອງດີ
ການລ້າງລົດ 1 ເທື່ອຕໍ່ອາທິດຖືວ່າເປັນເລື່ອງດີບໍ່ວ່າຈະເປັນລົດສີຂາວ ຫລື ລົດສີອື່ນ ເພາະການລ້າງລົດນັ້ນຈະຊ່ວຍໃຫ້ຄາບສົກກະປົກຕ່າງໆນັ້ນບໍ່ເກາະແໜ້ນຝັ່ງເລິກ ເຊີ່ງຄາບເຫລົ່ານີ້ເປັນຕົ້ນເຫດຂອງການເກີດຄາບໝອງເຫຼືອງ
- ເມື່ອລ້າງລົດສຳເລັດຄວນເຊັດໃຫ້ແຫ້ງ
ຫລັງຈາກທີ່ເຮົາລ້າງລົດສຳເລັດແລ້ວຄວນທີ່ຈະເຊັດລົດໃຫ້ແຫ້ງສະເໝີບໍ່ຄວນປ່ອຍໃຫ້ແຫ້ງເອງ ແຕ່ຕ້ອງສັງເກດດີໆເນື່ອງຈາກລົດສີຂາວຈະສັງເກດເຫັນຄາບນ້ຳໄດ້ຍາກວ່າລົດສີອື່ນ
- ເຄືອບສີລົດເປັນປະຈຳຊ່ວຍໄດ້
ການເຄືອບສີລົດເປັນປະຈຳ ຈະເຮັດໃຫ້ເກີດຟີມທີ່ຜິວລົດເຊີ່ງຈະຊ່ວຍປ້ອງກັນການເກີດຄາບເຫຼືອງໄດ້ແຕ່ຄວນເລືອກໃຊ້ນ້ຳຢາເຄືອບສີລົດ ທີ່ບໍ່ມີສ່ວນປະສົມຂອງ ຄານູບາ ໂດຍເດັດຂາດເພາະຈະເຮັດໃຫ້ລົດເຫຼືອງໄວກວ່າປົກກະຕິ
- ໃຊ້ດິນນ້ຳມັນຊ່ວຍໄດ້
ການເຮັດຄວາມສະອາດລົດໂດຍການລົງດິນນ້ຳມັນຖືວ່າຊ່ວຍໄດ້ເປັນຢ່າງດີເນື່ອງຈາກດິນນ້ຳມັນຈະຊ່ວຍຂັດຄາບສົກກະປົກອອກໄດ້ດີແລະຍັງເຮັດໃຫ້ລົດເງົາງາມອີກດ້ວຍ
ການເລືອກ Wax ໃຊ້ສຳລັບລົດສີຂາວຖືວ່າມີສ່ວນຊ່ວຍໃຫ້ລົດສີຂາວນັ້ນເງົາງາມຂຶ້ນເຊັ່ນກັນ
ເປັນແນວໃດຄວາມຮູ້ກ່ຽວກັບລົດໃນມື້ນີ້ ເລື່ອງຂອງການປ້ອງກັນບໍ່ໃຫ້ລົດສີຂາວນັ້ນເກີດຄາບເຫຼືອງເຊີ່ງວິທີທີ່ເຮົານຳມາສະເໜີນັ້ນໝູ່ເພື່ອນສາມາດນຳໄປໃຊ້ຢ່າງງ່າຍດາຍ ສຳລັບຄວາມຮູ້ກ່ຽວກັບລົດໃນເທື່ອໜ້າຈະເປັນເລື່ອງຫຍັງໝູ່ເພື່ອນສາມາດຕິດຕາມກັນໄດ້ທີ່ Laopost.com