ເມື່ອຢ້ອນເບິ່ງປະຫວັດ ເຫດການສະເທືອນໃຈ ກ່ຽວກັບອຸບັດຕິເຫດ ຍົນຕົກ ໃນປະເທດລາວ ແຕ່ອະດີດ ຮອດປັດຈຸບັນ ກໍ່ຄືຄັ້ງຫຼ້າສຸດ ໃນວັນທີ 27 ກໍລະກົດ 2015 ທີ່ພາກຊີວິດ ຄົນໄປ 23 ຄົນນັ້ນ. ອຸບັດຕິເຫດ ທາງຍົນ ໃນລາວ ແມ່ນທີທັງໝົດ 88 ຄັ້ງ ຂໍ້ມູນເກັບເກັບຈາກ www.aviation-safety.net
ໄລຍະແຕ່ສະຖານປະນາ ສປປ ລາວ ຄືປີ 1976 ເປັນຕົ້ນມາ ແມ່ນມີ ທັງໝົດ 17 ຄັ້ງ, ໃນນັ້ນຕົກຫຼາຍແມ່ນ ປີ 1976 ມີເຖິງ 6 ຄັ້ງ, ແລະ ໃນປີ 2013 ມີ 2 ຄັ້ງ.
ສ່ວນທີ່ເຫຼືອ ແມ່ນຕົກໃນສະໄໝລາຊະອານາຈັກ ຫຼືກ່ອນການສະຖາປະນາ ສປປ ລາວ ຄືມີທັງໝົດ 71 ຄັ້ງ, ປີທີ່ມີເຫດການຍົນຕົກຫຼາຍທີ່ສຸດແມ່ນປີ 1972 ມີເຖິງ 9 ຄັ້ງ, ປີ 1954 ມີ 7 ຄັ້ງ, ປີ 1971 ມີ 6 ຄັ້ງ ແລະ ປີ 1970 ແລະ 1968 ມີ ປີລະ 5 ຄັ້ງ.
ໃນບັນດາເຫດການເຫລົ່ານັ້ນ, ເຫດການໃນວັນທີ 16 ຕຸລາ 2013 ຍົນຕົກທີ່ປາກເຊ ມີຄົນເສຍຊີວິດ 49 ທີ່ເປັນຕົວເລກຫຼາຍທີ່ສຸດ ແລະ ຮອງລົງມາແມ່ນ ໃນວັນທີ 16 ສິງຫາ 1954 ມີຄົນເສຍຊີວິດ 47 ຄົນ ຍົນຕົກ ຢູ່ໃກ້ປາກເຊ ເຊັ່ນດຽວກັນ. ແລະ ໃນວັນທີ 24 ກຸມພາ 1968 ຕົກໃກ້ກັບ ບ້ານນາປາ ມີຄົນເສຍຊີວິດ 37 ຄົນ.
ຮຽບຮຽງໂດຍ: ຮັກລາວ ໂທລະໂຄ່ງ
ທີ່ມາ: aviation-safety.net