ຕາມຂ່າວປະເທດລາວ ຂະນະສະເພາະກິດ ແລະ ກຳລັງກອບກູ້ພາກພື້ນດິນ ກະຊວງປ້ອງກັນປະເທດລາວຢືນຢັນໃນຕອນເຊົ້າວັນທີ່ 30 ກໍລະກົດ 2015 ນີ້ວ່າ: ເຈົ້າໜ້າທີ່ສະເພາະກິດສາມາດເຂົ້າສູ່ຈຸດຍົນ MI-17 ຂອງກອງທັບລາວຕົກໄດ້ຢູ່ບໍລິເວນຮ່ອມພູ ແລະ ປ່າດົງຕຶບໜາ ໄປທາງທິດເໜືອຂອງບ້ານຫລວງພັນໄຊ ຂະນະນີ້ເຈົ້າໜ້າທີ່ກ່ຽວຂ້ອງ ພວມຊອກຄົ້ນ ແລະ ກອບກູ້ເອົາຊາກສົບຜູ້ເສຍຊີວິດຈຳນວນໜື່ງເຂົ້າມາໄວ້ບ້ານຫລວງພັນໄຊ ເມືອງລ່ອງແຈ້ງ ເຈົ້າໜ້າທີ່ສະເພາະກິດເຜີຍວ່າ: ບໍລິເວນຍົນຕົກເປັນເຂດທຸລະກັນດານ ແລະ ຫຍຸ້ງຍາກຫລາຍເພາະເປັນເຂດພູຜາປ່າດົງຕຶບໜາເຮັດໃຫ້ເຈົ້າໜ້າທີ່ຂອງພວກເຮົາເຂົ້າໄປຫາສະຖານທີ່ດັ່ງກ່າວໄດ້ລຳບາກ ແລະ ອາໄສວິທີຍ່າງເຂົ້າໄປຫາຈຸດເກີດເຫດໂດຍໃຊ້ເວລາ 4 ຊົ່ວໂມງ ມາຮອດປະຈຸບັນນີ້ພວກເຮົາສາມາດພົບແລ້ວຊາກຍົນຕົກ ແລະ ໄດ້ລຳລຽງຜູ້ເສຍຊີວິດຈຳນວນໜື່ງມາໄວ້ບໍລິເວນບ້ານໃກ້ຄຽງໃກ້ກັບຈຸດເກີດເຫດ
ຍົນລຳດັ່ງກ່າວໄດ້ບິນຂື້ນຈາກນະຄອນຫລວງວຽງຈັນໃນເວລາ 13:10 ໂມງຂອງວັນທີ່ 27 ກໍລະກົດ 2015 ເພື່ອໄປປະຕິດບັດໜ້າທີ່ຢູ່ແຂວງຂວາງ – ຫົວພັນ ເມື່ອບິນໄປໄດ້ໄລຍະໜື່ງ ສູນຄວບຄຸມການບິນ ບໍ່ສາມາດຕິດຕໍ່ສື່ສານກັບຍົນລຳດັ່ງກ່າວ ເຊີ່ງມີຈຸບິນ 4 ຄົນ ແລະ ຜູ້ໂດຍສານ 19 ຄົນ
ຢ່າງໃດກໍ່ຕາມ ຕໍ່ເຫດການດັ່ງກ່າວພວກເຮົາທີມງານ Laopost ຂໍສະແດງຄວາມເສຍໃຈມາຍັງຍາດຕິພີ່ນ້ອງຂອງຜູ້ເສຍຊີວິດໃນຄັ້ງນີ້ດ້ວຍ
ຂໍ້ມູນຈາກ: ຂ່າວສານປະເທດລາວ