ມີລາຍງານຂ່າວດ່ວນ ຈາກເພຈ I love airplane (Laos) ບອກວ່າມີສັນຍານດີ ຜູ້ໂດຍສານເທິງຍົນອາດຈະປອດໄພ ແນວໃດກໍຕາມ ເພຈດັ່ງກ່າວກໍແຈ້ງວ່າ ຍັງເປັນຂ່າວທີ່ບໍ່ເປັນທາງການເທື່ອ. ດັ່ງນັ້ນ, ຈຶ່ງຂໍໃຫ້ຜູ້ຮັບຂ່າວຈົ່ງໃຊ້ວິຈາລະນາຍານ ທາງທີມຂ່າວພວກເຮົາຈະຕິດຕາມ ແລະລາຍງານໃຫ້ທ່ານຊາບທັນທີ ທີ່ໄດ້ຮັບຂ່າວ.
ເພຈດັ່ງກ່າວຂຽນວ່າ: ສັນຍານທີ່ດີຈາກ RDPL-34062 (ບໍ່ເປັນທາງການ): ເວລາ 18:16 ພວກເຮົາໄດ້ຮັບຂ່າວຈາກຍາດພີ່ນ້ອງຜູ້ໂດຍສານ: “ພາຍຫລັງເຮືອບິນຖືກລົມມໍລະສຸມແລະອາກາດປັ່ນປ່ວນ ນັກບິນໄດ້ພະຍາຍາມເອົາເຮືອບິນລົງ ເຮັດໃຫ້ທຸກຄົນປອດໃພທັງໝົດ ແລະຍ່າງອອກມາຈຸດທີ່ມີສັນຍານຕິດຕໍ່ເພື່ອແຈ້ງໃຫ້ຄອບຄົວຊາບ”.
————-
ດ້ວຍຄວາມເປັນຫວ່ງຈາກ I Love Airplane (Laos)