29 ກໍລະກົດ 2015 ລາຍງານລ່າສຸດຂອງແຫຼ່ງຂ່າວສານ ປະເທດລາວ ລາຍງານແຈ້ງວ່າ ພົບແລ້ວຈຸດເກີດເຫດຍົນ Mi-17 ຂອງກອງທັບຕົກ
ຂະນະສະເພາະກິດ ແລະ ກໍາລັງກອບກູ້ພາກພື້ນດິນ ກະຊວງປ້ອງກັນປະເທດລາວຢືນຢັນໃນວັນທີ 29 ກໍລະກົດ 2015 ນີ້ວ່າ: ໃນຕອນເຊົ້າຂອງວັນທີ 29 ກໍລະກົດນີ້ ເຈົ້າໜ້າທີ່ສະເພາະກິດສາມາດພົບເຫັນສັນຍານ ແລະ ຈຸດເກີດອຸບັດເຫດຍົນ Mi-17 ຂອງກອງທັບຕົກ ຢູ່ທາງທິດເໜືອຂອງບ້ານຫລວງພັນໄຊ ເມືອງລ່ອງແຈ້ງ ແຂວງໄຊສົມບູນ.
ປັດຈຸບັນນີ້ ເຈົ້າໜ້າທີ່ສະເພາະກິດ ແລະ ກໍາລັງກອບກູ້ພາກພື້ນດິນພວມມຸ່ງໜ້າເຂົ້າຫາຈຸດເກີດເຫດ ແລະ ເລັ່ງຊອກຄົ້ນຫາຍົນດັ່ງກ່າວ ທາມກາງສະພາບອາກາດບໍ່ເອື້ອອໍານວຍ ແລະ ເສັ້ນທາງເຂົ້າເຖິງຈຸດເກີດເຫດປະກອບມີພູຜາປ່າດົງຕືບໜາ, ຄາດວ່າຈະພົບເຫັນຍົດລໍາດັ່ງກ່າວໃນໄວໆນີ້.
ຍົນລໍານີ້ໄດ້ບິນຂຶ້ນຈາກນະຄອນຫລວງວຽງຈັນໃນເວລາ 13:10 ໂມງ ຂອງວັນທີ 27 ກໍລະກົດ 2015 ເພື່ອໄປປະຕິບັດໜ້າທີ່ຢູ່ ແຂວງຊຽງຂວາງ-ຫົວພັນ ເມື່ອບິນໄປໄດ້ໄລຍະໜຶ່ງ ສູນຄວບຄຸມການບິນ ບໍ່ສາມາດຕິດຕໍ່ສື່ສານກັບຍົນລຳດັ່ງກ່າວ ເຊິ່ງມີຈຸບິນ 4 ຄົນ ແລະ ຜູ້ໂດຍສານ 19 ຄົນ.
ຂໍ້ມູນຂ່າວຈາກ : ຂ່າວສານປະເທດລາວ