ສຳນັກຂ່າວຕ່າງປະເທດ ລາຍງານໃນວັນທີ 28 ກໍລະກົດນີ້ວ່າ ລັດຖະບານເກົາຫລີໃຕ້ ປະກາດສິ້ນສຸດການແຜ່ລະບາດຂອງເຊື້ອໄວຣັສ MERS ຢ່າງເປັນທາງການແລ້ວໃນມື້ນີ້ (28 ກໍລະກົດ) ພາຍຫລັງໄດ້ຂ້າຊີວິດພົນລະເມືອງທັງປະເທດລວມ 36 ຄົນ ແລະ ສ້າງຄວາມເສຍຫາຍໃຫ້ແກ່ອຸດສາຫະກຳການທ່ອງທ່ຽວ ກະທົບຕໍ່ເສດຖະກິດຂອງປະເທດ ແລະ ຊີວິດການເປັນຢູ່ຂອງປະຊາຊົນຢ່າງກ້ວາງຂວາງ.
ທັງນີ້ ຈາກສະພາບການລະບາດຂອງພະຍາດດັ່ງກ່າວ ໄດ້ເຮັດໃຫ້ທະນາຄານກາງຂອງເກົາຫລີໃຕ້ ໄດ້ປັບເປົ້າໝາຍການເຕີບໂຕທາງດ້ານເສດຖະກິດຂອງປະເທດ ໃນປີ 2015 ນີ້ ຈາກ 3.1% ລົງມາເຫລືອ 2.8% ແທນ.