ໃນການແຂ່ງຂັນບານເຕະ AFF ຮຸ້ນບໍ່ເກີນ 16 ປີ ຈະເລີ່ມແຂ່ງຂັນເປັນນັດທຳອິດສຳລັບທີມຊາດ ລາວ ຈະລົງສະໜາມພົບກັບທີມຊາດ ໄທ ແລະ ທັງນີ້ທ່ານ ບຸນລັບ ເຄນກິຕິສັກ ຄູເຝິກ ທີມຊາດລາວ ລຸ້ນ 16 ປີ ໄດ້ອອກມາເປີດເຜີຍວ່າ : ສຳລັບການພົບກັບທີມຊາດໄທ ມັນບໍ່ແມ່ນເລື່ອງງ່າຍເພາະມາດຕະຖານບານເຕະໄທດີກວ່າ ແຕ່ທີມຊາດລາວເຮົາເອງກໍມີຄວາມພ້ອມ ແລະ ມີການກຽມຄວາມພ້ອມເປັນຢ່າງດີມາເຊັ່ນດຽວກັນ, ເຊິ່ງນັກກິລາສ່ວນໃຫຍ່ແມ່ນຫລິ້ນນຳກັນມາແຕ່ດົນ ໃນຈຸດນີ້ເປັນຈຸດແຂງຂອງທີມນັກເຕະທີມຊາດ ລາວ ທີ່ເຄີຍເອົາຊະນະໄທ 3-0 ໃນການແຂ່ງຂັນຢູ່ທີ່ປະເທດຍີ່ປຸ່ນໃນລະຫວ່າງເດືອນ ມິຖຸນາທີ່ຜ່ານມາ ແລະ ໃນມື້ນີ້ ເວລາ 15:30 ໂມງ ທີມຊາດລາວ ພົບກັບ ທີມຊາດໄທ ໃນລາຍການ AFF U-16 ທີ່ປະເທດກຳປູເຈຍ
ຂ່າວແລະພາບຈາກ: ສຕລ