ມັນເປັນເລື່ອງຂອງຄົົນທີ່ຮັກການແຕ່ງລົດເປັນຊີວິດຈິດໃຈຈະຫຼີກບໍ່ໄດ້ເລີຍທີ່ຈະຕ້ອງປ່ຽນຕີນລົດຄູ່ໃໝ່ໃຫ້ລົດເຮົາ ອາດເປັນເພາະ ຕີນລົດຄູ່ເດີມທີ່ມາກັບລົດມັນບໍ່ງາມ ບໍ່ໂຫດ ບໍ່ເດັ່ນ ນ້ອຍໄປ ຫຼື ຫຍັງກໍແລ້ວແຕ່ ແລະການປ່ຽນລໍ້ແມັກ ກໍຈະເປັນສິ່ງທຳອິດ ທີ່ຄົົນທີ່ມັກແຕ່ງລົດຈະພິຈາລະນາປ່ຽນ
ໃນການເລືອກລໍ້ແມັກນັ້ນມັນກໍມີປັດໄຈໃນການເລືອກຫຼາຍໆ ປັດໄຈນຳກັນເຊັ່ນ ລາຄາ ຄວາມສວຍງາມ ຂະໜາດ ສີ ຄວາມແຂງແຮງ ຫຼື ຈະເປັນຄວາມເບົາ ແຕ່ສິ່ງທີ່ເຮົາເຊີ່ງເປັນຂາຊິ່ງ ຫຼື ແຕ່ງແນວ racing ຈະໃສ່ໃຈການເລືອກລໍ້ແມັກທີ່ນ້ຳໜັກເປັນຫຼັກ ນັ້ນກໍຄືຈະຕ້ອງຄຳນຶງເຖິງຄວາມເບົາຂອງລໍ້ຕໍ່ວົງເປັນຫລັກກ່ອນເລີຍວ່າຕ້ອງເອົາເບົາທີ່ສຸດແຕ່ຕ້ອງແຂງແຮງດ້ວຍເຊັ່ນພວກລໍ້ forged (ລໍ້ forged ຄືຫຍັງໃຫ້ໄປເບິ່ງດ້ານລຸມສຸດຂອງບົດຄວາມນີ້) ເປັນຕົ້ນ
ແລ້ວເປັນຫຍັງຕ້ອງສົນໃຈກັບຄວາມເບົາຂອງລໍ້ແມັກ? ຖ້າຈະຕອບສັ້ນໆ ແຕ່ໄດ້ໃຈຄວາມທີ່ເຂົ້າໃຈງ່າຍໆ ກໍຄືວ່າລໍ້ແມັກທີ່ເບົາຈະບໍ່ເປັນພາລະກັບເຄື່ອງຍົນແລະເພົາຂັບ ເອົາງ່າຍໄປອີກກໍຄືລຸດໂຫຼດຂອງເຄື່ອງຍົນ ຖ້າຖາມຕໍ່ວ່າລຸດໂຫຼດເຄື່ອງຍົນແລ້ວດີຈັ່ງ? ກໍຕອບງ່າຍໆ ອີກວ່າລົດກໍມີຄວາມກະສັບກະເສັງຫຼາຍຂຶ້ນ ອອກຕົວໄວກວ່າເກົ່າ ອັດຕາເລັ່ງດີກວ່າເກົ່າ ໄດ້ຄວາມໄວທີ່ດີກວ່າເກົ່າ ປະຫຍັດນ້ຳມັນຂຶ້ນ ເປັນຕົ້ນ ເຊີ່ງທັງໝົດນີ້ມັນມີຜົນຕໍ່ພວກຂາຊິ່ງທີ່ເນັ້ນເລື່ອງເວລາຫຼາຍໆ ເຊັ່ນເວລາໃນການອອກຕົວແລະເລື່ອງອັດຕາເລັ່ງ
ລໍ້ແມັກກໍປຽບເໝືອນກັບເກີບ ເກີບຍິ່ງເບົາ ກໍຍິ່ງຍ່າງສະບາຍ ສ່ວນເກີບທີ່ໜັກເວລາເຮົາຍ່າງ ຫຼື ແລ່ນ ຈະຮູ້ສຶກລຳບາກ ຢ່າງໃດກໍຕາມສິ່ງທີ່ສຳຄັນຄືຄວາມແຂງແຮງ ແມ່ນລໍ້ແມັກນັ້ນຈະມີນ້ຳໜັກເບົາແຕ່ຕ້ອງແນ່ໃຈວ່າຄວາມແຂງແຮງນັ້ນຈະບໍ່ຫຼຸດລົງໄປນຳ ເພື່ອຄວາມປອດໄພໃນການຂັບຂີ່ ອີກທັງຄວາມເບົານັ້ນຕ້ອງສຳພັນກັບຂະໜາດຂອງເຄື່ອງຍົນ ເຊັ່ນ ລົດຂະໜາດໃຫຍ່ຖ້າໃສ່ແມັກເບົາເກີນໄປກໍຈະເຮັດໃຫ້ການຂັບຂີ່ບໍ່ໝັ້ນຄົງ
ສຸດທ້າຍນີ້ຄວາມແຂງແຮງຂອງລໍ້ນັ້ນກໍສຳຄັນຫລາຍບໍ່ພ່າຍແພ້ກັບຄວາມເບົາໂດຍຂອງ 2 ສິ່ງນີ້ມັກຈະມາຄູ່ກັນສະເໝີ ເບົາແລະແຂງແຮງ ເພາະພວກຂາຊິ່ງຈະຂັບໂຫດຫຼາຍ ຖ້າເບົາແຕ່ບໍ່ແຂງແຮງສຸດທ້າຍກໍດຸ້ງກໍແຕກຖ້າຕົກຂຸມ
