Homeສຸຂະພາບ ແລະ ສີ່ງແວດລ້ອມລັດຖະບານ ເພີ່ມທະວີການເຝົ້າລະວັງ ແລະ ປ້ອງກັນພະຍາດເມີສ ຢ່າງເຂັ້ມງວດ!

ລັດຖະບານ ເພີ່ມທະວີການເຝົ້າລະວັງ ແລະ ປ້ອງກັນພະຍາດເມີສ ຢ່າງເຂັ້ມງວດ!

Published on

5445f34bae293456680e557a

ໂດຍປະຕິບັດຕາມຄຳເຫັນຊີ້ນຳຂອງທ່ານນາຍົກລັດຖະມົນຕີ ແລະ ຮອງນາຍົກລັດ ຖະມົນຕີ ຜູ້ຊີ້ນຳວຽກງານຂົງເຂດວັດທະນະ ທຳ-ສັງຄົມເມື່ອບໍ່ດົນມານີ້, ຫ້ອງວ່າ ການລັດຖະ ບານຈຶ່ງໄດ້ອອກ ແຈ້ງການເພີ່ມຕື່ມໃຫ້ກະຊວງສາ ທາລະນະສຸກ ແລະ ຂະແໜງການ ອ້ອມຂ້າງກ່ຽວຂ້ອງຈົ່ງພ້ອມກັນສືບຕໍ່ເຝົ້າລະວັງ, ກວດກາ ແລະ ປ້ອງກັນພະຍາດຊຶມເຊື້ອລະບົບຫາຍໃຈ (MERS-Cov) ຢ່າງເຂັ້ມງວດຄື ໃຫ້ມີມາດຕະການກວດກາ ຢູ່ດ່ານສາກົນຢ່າງເຄັ່ງຄັດ, ພ້ອມທັງກະກຽມສະຖານທີ່ປິ່ນປົວ, ອຸປະກອນ ແລະ ຢາໃຫ້ດີ, ຄຽງຄູ່ກັນນັ້ນ ກໍໃຫ້ມີການເພີ່ມທະວີວຽກງານໂຄສະນາຜ່ານສື່ມວນຊົນຕ່າງໆໃຫ້ກ້ວາງຂວາງເພື່ອໃຫ້ປະຊາຊົນຮັບຊາບ, ຮູ້ວິທີປ້ອງກັນ ແລະ ໄປພົບແພດເມື່ອຈຳເປັນ.

ກະຊວງສາທາລະນະສຸກ ໃຫ້ຮູ້ວ່າ: ພາຍຫຼັງມີການລະບາດຂອງພະຍາດດັ່ງກ່າວຢູ່ບັນດາປະເທດ ຕາເວັນອອກ ກາງ, ປະເທດລາວເຮົາກໍໄດ້ຕິດຕາມ ແລະ ເຝົ້າລະວັງພະຍາດດັ່ງກ່າວຢ່າງໃກ້ຊິດ ແລະ ກໍເຮັດໄດ້ດີພໍສົມຄວນ, ແຕ່​ເນື່ອງຈາກ​ສະພາບ​ການລະບາດ​ຂອງ​ພະຍາດດັ່ງກ່າວຢູ່​ຫລາຍປະເທດ ກໍ​ຄື ​ສ.ເກົາ​ຫຼີ ໃນ​ປັດຈຸບັນ​ແມ່ນ​ຍັງ​ມີ​ຈຳນວນ​ຜູ້​ຕິ​ດ​ເຊື້ອ ​ແລະ ​ເສຍ​ຊີວິດ​ເພີ່ມ​ຂື້ນ​ເລື້ອຍໆ ​​ແລະ ປະ​ເທດ​ເຮົາ​ກໍ​ຖື​ເປັນ​ປະ​ເທດ​ໜຶ່ງ​ທີ່​ມີ​ຄວາມ​ສ່ຽງ​ຈາກ​ພະຍາດ​ນີ້, ​ເນື່ອງ​ຈາກ​ຍັງ​ມີ​ການ​ເດີນທາງ​ໄປມາ​ໂດຍ​ກົງ​ລະຫວ່າງ​ປະ​ເທດ​ທີ່​ມີ​ການລະບາດ, ດັ່ງ​ນັ້ນ ​ມັນ​ມີ​ຄວາມ​ຈຳ​ເປັນ​ຢ່າງ​ຍິ່ງ​ທີ່​ຈະ​ຕ້ອງ​ໄດ້​ເພີ່ມ​ທະວີ​ຄວາມ​ເອົາ​ໃຈ​ໃສ່​ໃນ​ການ​​ເຝົ້າ​ລະວັງ ​ແລະ ປ້ອງ​ກັນ​ພະຍາດ​ດັ່ງກ່າວໃຫ້​ເຂັ້ມ​ງວດ​ຂຶ້ນຕື່ມຕາມແຈ້ງການ ຂອງຫ້ອງ ວ່າການ ລັດຖະບານ,​​ ໂດຍ​ສະ​ເພາະ​ແມ່ນ​ຢູ່​ຕາມດ່ານ​ສາ​ກົນ​ຕ່າງໆ ກໍຄືການກຽມພ້ອມທັງ ດ້ານສະຖານທີ່, ອຸປະກອນ ແລະ ຢາ, ພ້ອມສືບຕໍ່​ຕິດຕາມ​ ​​ແລະ ​​ແນະນຳວິ​ທີ​ປ້ອງ​ກັນ​ຕົນ​ເອງ​ໃຫ້​ແກ່ຜູ້​ທີ່​ເດີນທາງ​ເຂົ້າ-​ອອກ​ປະ​ເທດ​ທີ​່ມີ​ການລະບາດ​​ເຊັ່ນ:​ ວິທີ​ປ້ອງກັນ​ໂດຍ​ພື້ນຖານ​ຄື ການ​ຮັກສາ​ອະນາ​ໄມ​ຕົນ​ເອງ​​ເປັນ​ປະຈຳ, ລ້າງ​ມື​ເປັນ​ປະຈຳ,​​ ໃຊ້​ຜ້າ​ອັດ​ປາກ, ຫຼີກ​ລຽງ​ການ​ສຳຜັດ​ກັບຜູ້ຕິດເຊື້ອພະຍາດ​, ຫຼີກ​ລຽງ​ການ​ບໍລິ​ໂພ​ກຊີ້ນ​ດິບ, ນົມ​ດິບ ​ຫຼື ຜະລິດ​ຕະພັນ​ອາຫານ​ທີ່​ບໍ່​ທັນ​ຄົວ​ສຸກ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...