ຂປລ. ຕາມຂ່າວຕ່າງປະເທດ, ວັນທີ 20 ເດືອນກໍລະກົດ, ເຈົ້າໜ້າທ່ີ ປາກິດສະຖານໃຫ້ຮູ້ວ່າ ປະເທດນີ້ ເລີ່ມຜັນຂະຫຍາຍ ກໍ່ສ້າງເສັ້ນທາງທໍ່ສົ່ງ ນຳເຂົ້າອາຍແກັສແຫລວ ທຳມະຊາດ(LNG) ຈາກຈີນ.
ທ່ານ ຊາຮີດ ຄາຊານ ເອັບບາຊີ ລັດຖະມົນຕີ ວ່າການ ກະຊວງນ້ຳມັນ ແລະ ຊັບພະຍາກອນ ທຳມະຊາດ ປາກິດສະຖານ ໃຫ້ສຳພາດ ຕໍ່ສື່ມວນຊົນ, ໂຄງການດັ່ງກ່າວ ຈະຜັນຂະຫຍາຍ ຢ່າງເປັນທາງການ ໃນເດືອນ ຕຸລານີ້ ຊຶ່ງຄ່າໃຊ້ຈ່າຍ 85% ແມ່ນຈີນຈະສະໜັບສະໜູນ ແລະ ຄາດວ່າ ຈະສຳເລັດ ໃນປີ 2018.
ທ່ານ ຊາຮີດ ກ່າວວ່າ ການນຳເຂົ້າ LNG ຈາກຈີນ ຈະຊ່ວຍປາກິດສະຖານ ຮັບມືກັບ ວິກິດການ ດ້ານພະລັງງານ ເມື່ອມີຄວາມຕ້ອງການນຳເຂົ້າ ອາຍແກັສ 50% ຂອງຄວາມຕ້ອງການ ພະລັງງານ ຂອງປະເທດນີ້. ຄາດວ່າ ໃນອະນາຄົດ, ໂຄງການນີ້ ຈະເຊື່ອມຈອດ ແລະ ກາຍເປັນເສັ້ນທາງທໍ່ສົ່ງອາຍແກັສ ຈາກອີຣານ ເຖິງ ປາກິດສະຖານ.
ຂອບໃຈຂ່າວຈາກ:
