ຫົວໜ້າພະແນກມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ໃນເວລາປະມານ 19:30 ໂມງຂອງວັນທີ 19 ກໍລະກົດນີ້, ໄດ້ຮັບແຈ້ງຈາກພົນລະເມືອງດີວ່າ ເກີດອັກຄີໄພໄຟໄໝ້ເຮືອນປະຊາຊົນ ຢູ່ເຂດບ້ານປາກທ້າງ ເມືອງສີໂຄດຕະບອງ ນະຄອນຫລວງວຽງຈັນ ເຈົ້າໜ້າທີ່ມອດໄຟກໍໄດ້ຮີບຮ້ອນນຳລົດນ້ຳຈຳນວນ 2 ຄັນ ພ້ອມດ້ວຍເຈົ້າໜ້າທີ່ຈຳນວນໜຶ່ງ ລົງຊ່ວຍດັບມອດໄຟທີ່ກຳລັງໄໝ້ເຮືອນປະຊາຊົນ ແລະ ຄວບຄຸມເພີງບໍ່ໃຫ້ລາມໄປເຮືອນປະຊາຊົນທີ່ຢູ່ໃກ້ຄຽງ ຜ່ານໄປກວ່າ 1 ຊົ່ວໂມງ ຈຶ່ງສາມາດດັບມອດໄຟໄດ້.
ຜ່ານການສືບສວນ-ສອບສວນຂອງເຈົ້າໜ້າທີ່ ຈຶ່ງຮູ້ວ່າ: ເຮືອນຫລັງດັ່ງກ່າວເປັນເຮືອນ 2 ຊັ້ນ ລຸ່ມກໍ່ ເທິງໄມ້ ມຸງດ້ວຍສັງກະສີ ເຈົ້າຂອງເຮືອນຊື່ ທ້າວ ວີນັດ ອາຍຸ 29 ປີ ກຳມະກອນ ຢູ່ບ້ານປາກທ້າງ ໜ່ວຍ 9 ເມືອງສີໂຄດຕະບອງ ນະຄອນຫລວງວຽງຈັນ, ອັກຄີໄພດັ່ງກ່າວໄດ້ເຮັດໃຫ້ເຮືອນຂອງທ້າວ ວີນັດ ໃໝ້ໝົດກ້ຽງ, ສ່ວນສາເຫດແມ່ນເກີດຈາກໄຟຊ໋ອດຢູ່ຊັ້ນ 2 ຂອງເຮືອນ ຈາກນັ້ນ ຈຶ່ງເກີດໄຟໄໝ້ສາຍໄຟ ແລ້ວລາມໄປທົ່ວເຮືອນລວມມູນຄ່າເສຍຫາຍປະມານ 100 ລ້ານກີບ.
ຂອບໃຈຂ່າວຈາກ:
