ດິນນ້ຳມັນທີ່ໃຊ້ເຮັດຄວາມສະອາດລົດນັ້ນມີແບ່ງຕາມຊະນິດສີລົດດ້ວຍເຊັ່ນກັນ
ໃນມື້ນີ້ທາງທີມງານກໍຈະພາສາວົກຄັນຮັກລົດໄປພົບກັບເລື່ອງຂອງການຮັກສາລົດສຸດທີ່ຮັກຂອງເຮົາ ເຊີ່ງໃນມື້ນີ້ເຮົາຈະພາໄປພົບກັບເລື່ອງຂອງການລົງດິນນ້ຳມັນ ນັ້ນວ່າມີປະໂຫຍດຢ່າງໃດ
ດິນນ້ຳມັນຊ່ວຍກຳຈັດຄາບສົກກະປົກໄດ້ດີ
ເຮົາອາດຈະເຄີຍໄດ້ຍິນໃນເລື່ອງຂອງການລົງດິນນ້ຳມັນລົດ ອາດຈະເຄີຍໄດ້ຍິນກັນມາບໍ່ຫລາຍກໍນ້ອຍ ແຕ່ເຄີຍຮູ້ຫຼືບໍ່ວ່າມີປະໂຫຍດຢ່າງໃດຊ່ວຍໃນເລື່ອງໃດ ເຊີ່ງ ດິນນ້ຳມັນນີ້ຫຼືທີ່ເອີ້ນກັນວ່າ Scrub Clay ແທ້ ໆແລ້ວຄືສິ່ງທີ່ຊ່ວຍເຮົາເຮັດຄວາມສະອາດຄາບສິ່ງສົກກະປົກຕ່າງໆ ເຊີ່ງດິນນ້ຳມັນທີ່ເຮົາໃຊ້ຈະຖືກຜະລິດມາເພື່ອໃຊ້ເຮັດຄວາມສະອາດລົດ ໂດຍຈະມີສ່ວນປະສົມມາຈາກວັດຖຸດິບຈຳພວກ Elastic ແລະ Resin Compound ໂດຍຈະເປັນວັດຖຸດິບທຳມະຊາດ ກັບວັດຖຸດິບສັງເຄາະ ຄວາມແຕກລະຫວ່າງດິນນ້ຳມັນທີ່ໃຊ້ສຳລັບລົດ ແລະດິນນ້ຳມັນທົ່ວໄປນັ້ນບໍ່ແຕກຕ່າງກັນຫລາຍແຕ່ດິນນ້ຳມັນທີ່ໃຊ້ສຳລັບລົດຈະມີສ່ວນປະສົມຂອງ Elastic ເຂົ້າມາຫລາຍຂຶ້ນ ເພື່ອເຮັດໃຫ້ດຶງຄາບສົກກະປົກແລະທົນທານຫລາຍຂຶ້ນ ໂດຍດິນນ້ຳມັນຈະມີການແບ່ງເກດດັ່ງນີ້
Medium Grade
ເປັນດິນນ້ຳມັນທີ່ມີຄຸນນະພາບທົ່ວໄປ ເຊີ່ງສາມາດໃຊ້ສຳລັບດຶງຄາບສົກກະປົກຕ່າງໆ ໄດ້ຢ່າງສະອາດ ແລະຍັງສາມາດເຮັດຄວາມສະອາດຄາບ Wax ອອກໄດ້
Fine Grade
ສຳລັບດິນນ້ຳມັນປະເພດນີ້ຈະມີຂັ້ນຕອນການຜະລິດທີ່ເຮັດໃຫ້ດິນນ້ຳມັນສາມາດດຶງຄາບສິ່ງສົກກະປົກອອກມາໄດ້ຢ່າງໝົດຈົດ ແລະຊ່ວຍໃຫ້ພື້ນຜິວຫລັງໃຊ້ນັ້ນມີຄວາມເງົາງາມຂຶ້ນຕື່ມອີກ
ກ່ອນລົງWax ຄວນໃຊ້ດິນນ້ຳມັນເຮັດຄວາມສະອາດເພື່ອກຳຈັດຄາບສົກກະປົກ
ສ່ວນການລົງດິນນ້ຳມັນຫລາຍທ່ານອາດຈະສົງໄສວ່າລົງເພື່ອຫຍັງ ຊ່ວຍໃນເລື່ອງໃດນຳ ເຊີ່ງປະໂຫຍດໃນການລົງດິນນ້ຳມັນນັ້ນມີດັ່ງນີ້
- ໃຊ້ໃນເລື່ອງຂອງການກຳຈັດຄາບສົກກະປົກຝັງແໜ້ນ ພວກຄາບລະອອງສີ ຄາບຂີ້ນກ ຢາງໄມ້ ແລະຄາບຝຸ່ນທີ່ລ້າງບໍ່ອອກ
- ໃວ້ສຳລັບປັບສະພາບພື້ນຜິວ ໃຫ້ສະອາດກ່ອນທີ່ຈະກໍ່ການລົງ Wax
- ຫາກລົງດິນນ້ຳມັນເດືອນລະ 1 ເທື່ອ ຈະຊ່ວຍໃຫ້ປ້ອງກັນຄາບສົກກະປົກທີ່ຈະມາທຳລາຍຊັ້ນແລກເກີລ໌
- ຫລັງຈາກລົງດິນນ້ຳມັນແລ້ວຄວນທີ່ຈະລົງ Wax ທຸກເທື່ອຈະໃຫ້ສີລົດນັ້ນມີຄວາມເງົາງາຫລາຍຂຶ້ນ
ດິນນ້ຳມັນທີ່ໃຊ້ກັບລົດນັ້ນມີລັກສະນະດຽວກັບດິນນ້ຳມັນທົ່ວໄປ
ສາວົກຄົນຮັກລົດທັງຫລາຍຄືຊິໄດ້ຮູ້ກັນແລ້ວວ່າການລົງດິນນ້ຳມັນລົດ ນັ້ນມີປະໂຫຍດຢ່າງໃດ ຊ່ວຍໃນເລື່ອງໃດນຳເຊີ່ງການລົງດິນນ້ຳມັນລົດ ຫາກເຮົາມີການເຮັດຢ່າງເປັນປະຈຳຈະເຮັດໃຫ້ລົດເຮົາສະອາດເງົາງາມຢ່າງແນ່ນອນ