ບໍລິສັດ ເອັມເອັມຈີ ລ້ານຊ້າງ ມິເນີໂຣລ (MMG LXML) ເຈົ້າ ຂອງໂຄງການບໍ່ຄໍາ-ທອງເຊໂປນທີ່ແຂວງສະຫວັນນະເຂດ, ໄດ້ລາຍ ງານໃຫ້ຮູ້ໃນວັນທີ 17 ກໍລະກົດ ຜ່ານມານີ້ວ່າ: ການຜະລິດແຜ່ນ ໂລຫະທອງແດງບັນລຸໄດ້ 23.316 ໂຕນໃນໄຕມາດທີສອງຂອງປີ 2015,ເຊິ່ງຜົນການຜະລິດດັ່ງ ກ່າວໄດ້ຄຽງຄູ່ກັບການປ່ຽນແປງຂອງໂຮງ ງານໃນການຫັນປ່ຽນໄປ ສູ່ການຜະລິດແຮ່ປະເພດ 2.
ໃນໄຕມາດທໍາອິດຂອງປີນີ້, ບໍລິສັດຜະລິດແຜ່ນໂລຫະທອງ ແດງໄດ້ເຖິງ 44.632 ໂຕນ, ໃນນີ້ຕົ້ນ ທຶນການຜະລິດ(C1) ຕົວຈິງແມ່ນ $1.07 ໂດລາສະຫະລັດ/ປອນ (lb) ເຊິ່ງຕໍ່າກ່ວາຄາດໝາຍ ຢູ່ທີ່1.10 ໂດລາສະຫະລັດ ຫາ1.20ໂດລາສະຫະລັດ/ປອນ(lb). ໃນປີ 2015 ຄາດວ່າຈະຜະລິດທອງ ແດງໃຫ້ໄດ້ 80-87 ພັນໂຕນ, ໂດຍ ຕົ້ນທຶນການຜະລິດ(C1) ຢູ່ທີ່1.10 ໂດລາ ສະຫະລັດ ຫາ1.20 ໂດລາ ສະຫະລັດ/ປອນ (lb).
ບໍລິສັດ LXML ພວມທົບ ທວນທາງເລືອກເພື່ອເພີ່ມປະສິດທິພາບໃນການຜະລິດເຖິງວ່າຄຸນ ນະພາບຂອງແຮ່ຈະຫລຸດລົງ ແລະ ແຮ່ມີການປ່ຽນລັກສະນະ, ເປົ້າ ໝາຍແຜນງານການສໍາຫລວດ ແມ່ນຍັງຈະສືບຕໍ່ຊອກຄົ້ນໃນຂອບ ເຂດທີ່ຕິດກັບບໍ່ແຮ່ໃນປັດຈຸບັນ.
ຈຸດພົ້ນເດັ່ນອີກອັນໜຶ່ງຂອງບໍລິສັດໃນໄຕມາດທໍາອິດຂອງປີ 2015 ແມ່ນລັດຖະບານລາວ, ໄດ້ ປະກາດໃຫ້ເມືອງວິລະບູລີ ຊຶ່ງເປັນ ທີ່ຕັ້ງຂອງບໍ່ຄໍາ-ທອງເຊໂປນ ໄດ້ ຫລຸດພົ້ນອອກຈາກບັນຊີ 46ເມືອງ ທຸກຍາກທີ່ສຸດໃນລາວ, ການສໍາ ຫລວດຄົວເຮືອນໄດ້ຢັ້ງຢືນວ່າ ເມືອງວິລະບູລີໄດ້ມີລາຍຮັບສູງຂຶ້ນກວ່າ ປີ 2002 ສິບເທົ່າຕົວ, ບໍລິສັດ ໄດ້ສະໜັບສະໜູນໂຄງການພັດທະນາຊຸມຊົນໃນ 42 ບ້ານ,ເຊິ່ງໄດ້ຮັບ ຜົນປະໂຫຍດໃຫ້ແກ່ປະຊາຊົນທ້ອງຖິ່ນຫລາຍກວ່າ 14 ພັນຄົນເຊັ່ນ: ການພັດທະນາທຸລະກິດທ້ອງຖິ່ນ, ເສັ້ນທາງ, ໜອງປາ ແລະ ການເຂົ້າ ເຖິງລະບົບນໍ້າປະປາ.
ທ່ານ ຊູເຣດ ວາດນາກຣາ ຜູ້ຈັດການໃຫຍ່ບໍ່ຄໍາ-ທອງເຊໂປນກ່າວວ່າ: ພວກເຮົາຂຸດຄົ້ນແຮ່ເພື່ອ ສ້າງຄວາມຮັ່ງມີໃຫ້ແກ່ປະຊາຊົນ ໃນຊຸມຊົນທ້ອງຖິ່ນ ແລະ ບັນດາຜູ້ມີ ສ່ວນຮ່ວມທັງຫລາຍ, ພວກເຮົາ ພູມໃຈຫລາຍທີ່ໄດ້ປະ ກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງລາວ ແລະ ໃຫ້ຄໍາໝັ້ນສັນຍາທີ່ຈະເຮັດວຽກຮ່ວມກັບລັດຖະ ບານລາວຢ່າງໃກ້ຊິດໂດຍສຸມໃສ່ການຝຶກອົບຮົມ ແລະ ການພັດທະນາເພື່ອສົ່ງເສີມການດໍາລົງຊີວິດຂອງຊຸມຊົນທີ່ອາໃສຢູ່ໃກ້ກັບບໍ່ຄໍາ-ທອງເຊໂປນ.
ຂອບໃຈຂ່າວຈາກ: ລາວພັດທະນາ