Homeຂ່າວການພັດທະນາລັດຖະບານລາວ ລຶບລ້າງຄອບຄົວທຸກຍາກ ລື່ນແຜນການທີ່ຕັ້ງໄວ້

ລັດຖະບານລາວ ລຶບລ້າງຄອບຄົວທຸກຍາກ ລື່ນແຜນການທີ່ຕັ້ງໄວ້

Published on

ສຳນັກຂ່າວສານປະເທດລາວ: ໃນໄລຍະ 6 ເດືອນຕົ້ນສົກປີ 2014-2015 ການສ້າງບ້ານພັດທະນາ ແລະ ແກ້ໄຂຄວາມທຸກຍາກມີຄວາມຄືບໜ້າແລະ ພົ້ນເດັ່ນ ສະແດງອອກສາມາດລືບລ້າງຄອບຄົວທຸກຍາກ ໃຫ້ຍັງເຫລືອ 6,59% ຂອງຈຳນວນຄອບຄົວທັງໝົດທົ່ວປະເທດ ຈາກທີ່ລັດຖະບານ ໄດ້ຕັ້ງເປົ້າໄວ້ ໃຫ້ເຫລືອ 10% ໃນສົກປີນີ້, ການປະຕິບັດເປົ້າໝາຍສະຫັດສະວັດ ດ້ານການພັດທະນາ ມີຄວາມຄືບໜ້າດ້ວຍການພັດທະນາທີດີຄືແນວນີ້ ສາມາດຮັບປະກັນ ສະຖຽນລະພາບດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບ ຮ້ອຍໃນສັງຄົມ ໄດ້ໂດຍພື້ນຖານ.

F-Laos

ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້​ຊີ້​ນຳ​ວຽກ​ງານ​ຂົງ​ເຂດ​ການ​ຜະລິດ ​ແລະ ຈໍລະ​ຈອນ ກ່າວໃນກອງປະຊຸມ ສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີVII ນີ້ວ່າ: ໃນທ້າຍສົກປີ 2014-2015 ລັດຖະບານສືບຕໍ່ເອົາໃຈໃສ່ ພັດທະນາວຽກງານໃນຂົງເຂດ ວັດທະນະທຳ-ສັງຄົມ ຕາມທິດທາງ ແລະ ແຜນການທີ່ວາງໄວ້ ໂດຍສະເພາະ ການປັບປຸງການເຂົ້າເຖິງ ການບໍລິການດ້ານສຶກສາ, ສາທາລະນະສຸກ ບໍ່ໃຫ້ມີການແຕກໂຕນກັນຫລາຍ ລະຫວ່າງຕົວເມືອງ-ຊົນນະບົດ ແນ່ໃສ່ເພື່ອສ້າງເງື່ອນໄຂ ໃຫ້ການບັນລຸເປົ້າໝາຍສະຫັດສະວັດ ດ້ານການພັດທະນາ, ສືບຕໍ່ຈັດຕັ້ງປະຕິບັດ ບັນດາໂຄງການກ່ຽວກັບ ການພັດທະນາຊົນນະບົດ ແລະ ລຶບລ້າງຄວາມທຸກຍາກ ຕິດພັນກັບວຽກງານ 3 ສ້າງ ໃຫ້ຄືບໜ້າບັນລຸຄາດໝາຍທີ່ວ້າງໄວ້ແລະ ຮັບປະກັນ ຄວາມມີສະຖຽນລະພາບ ທາງດ້ານການເມືອງ, ຄວາມສະຫງົບ ປອດໄພຂອງສັງຄົມ ເພື່ອເອື້ອອຳນວຍໃຫ້ແກ່ການພັດທະນາ ເສດຖະກິດ-ສັງຄົມ ໃຫ້ໄດ້ຕາມແຜນການ, ຕິດຕາມເພີ່ມຄວາມພະຍາຍາມ ໃນການແກ້ໄຂ ປະກົດການຫຍໍ້ທໍ້ ​ແລະ ຫາງສຽງສັງຄົມຕ່າງໆ.

ຂ່າວຈາກ: ຂ່າວສານປະເທດລາວ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...