Homeຂ່າວເຫດການລັດຖະບານລາວແຕ່ງຕັ້ງ ທ່ານ Michele Sorrenti​ ​ເປັນກົງສູນກິດຕິມະສັກ ປະຈຳນະຄອນແວນຄູເວີ ປະເທດການາດາ

ລັດຖະບານລາວແຕ່ງຕັ້ງ ທ່ານ Michele Sorrenti​ ​ເປັນກົງສູນກິດຕິມະສັກ ປະຈຳນະຄອນແວນຄູເວີ ປະເທດການາດາ

Published on

canada

ຂປລ. ​ໃນ​ວັນ​ທີ 16 ກໍລະກົດ 2015 ຢູ່ທີ່​ກະຊວງ​ການ​ຕ່າງປະ​ເທດ ທ່ານ ສະ​ເຫລີ​ມ​ໄຊ ກົມ​ມະ​ສິດ ລັດ​ຖະມົນຕີ​ຊ່ວຍວ່າການ​ ກະຊວງ​ການ​ຕ່າງປ​ະ​ເທດ​ ​ໄດ້​ໃຫ້ກຽດມອບ​ສານ​​ແຕ່ງ​ຕັ້ງ ​ໃຫ້​ທ່ານ Michele Sorrenti​ ​ເປັນ​ກົງສູນ​ກິດ​ຕິ​ມະ​ສັກ ​ແຫ່ງ ​ສາທາລະນະ​ລັດ ປະຊາ​ທິ​ປ​ະໄຕ ປະຊາຊົນລາວ ທີ່​ ນະຄອນ​ແວນ​ຄູ​ເວີ ປະ​ເທດ​ກາ​ນາ​ດາ.

​ໃນ​ໂອກາດ​ນີ້ ທ່ານ ສະ​ເຫລີ​ມ​ໄຊ ກົມ​ມະ​ສິດ ​ໄດ້​ສະ​ແດງ​ຄວາມ​ຊົມ​ເຊີຍ ​ແລະ ອວຍພອນ​ໃຫ້​ແກ່​ທ່ານ Michele Sorrenti  ​ ແລະ ຫວັງ​ຢ່າງ​ຍິ່ງ​ວ່າ ​ຕະຫລອດ​ໄລຍະ​ການ​ປະຕິບັດ​ໜ້າທີ່​ດັ່ງກ່າວ ທ່ານ​ຈະ​ເປັນ​ຂົວ​ຕໍ່​ໃນ​ການ​ເສີມ​ຂະຫຍາຍ ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື ລະ​ຫວ່າງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ກັບ ປະ​ເທດກາ​ນາ​ດາ ​ໃຫ້​ມີ​ບາດກ້າວ​ຂະຫຍາ​ຍຕົວ​ຂຶ້ນ​ໄປ​ເລື້ອຍໆ  ​ເພື່ອ​ຜົນ​ປະ​ໂຫຍ​ດຂອງ​ປະຊາ ຊົນ​ສອງ​ຊາດ ກໍ​ຄື ​ເພື່ອ​ພາລະກິດ ສັນຕິພາບ ​ແລະ ການ​ຮ່ວມ​ມື ​ເພື່ອ​ພັດທະນາ​ພາກ​ພື້ນ ​ແລະ ​ໃນ​ໂລກ.

​ໃນ​ໂອກາດດ​ັ່ງກ່າ​ວ ທ່ານ Michele Sorrenti   ​ ໄດ້​ສະ​ແດງ​ຄວາມ​ຂອບ​ໃຈ​ຢ່າງ​ສູງ ທີ່​ລັດຖະບານລາວ ​ໄດ້​ໃຫ້​ຄວາມ​ໄວ້​ວາງ​ໃຈ ​ແລະ ຈະ​ເຮັດໜ້າທີ່​ອັນ​ມີ​ກຽດ ດັ່ງກ່າວຢ່າງ​ຕັ້ງໜ້າ ​ເພື່ອ​​ເສີມ​ຂະຫຍາຍ​ການ​ພົວພັນ​ທີ່​ມີ​ມູນ​ເຊື້ອ ລະ​ຫວ່າງ 2 ປະ​ເທດ​ ໃຫ້​ນັບມື້​ແຕກ​ດອກ​ອອກ​ຜົນງອກ​ງາມ​ຍິ່ງ​ຂຶ້ນ.

 

ຂອບໃຈຂ່າວຈາກ:

ຂປລ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...