Homeວິທະຍາສາດ-ວິທະຍາການຍີ່ປຸ່ນເປີດໂຕໂຮງແຮມທີ່ມີຫຸ່ນຍົນຖ້າບໍລິການ ແຫ່ງທຳອິດຂອງໂລກ

ຍີ່ປຸ່ນເປີດໂຕໂຮງແຮມທີ່ມີຫຸ່ນຍົນຖ້າບໍລິການ ແຫ່ງທຳອິດຂອງໂລກ

Published on

ໂຮງ​ແຮມ​ແຫ່ງ​ໜື່ງຢູ່​ຍີ່​ປຸ່ນ​ກຽມ​ເປີດ​ໂຕວ​ຫຸ່ນ​ຍົນພະ​ນັກ​ງານ​ຕ້ອນ​ຮັບ ເຊີ່ງ​ມີ​ທັງ​ຫຸ່ນ​ຍົນພະ​ນັກ​ງານ​ສາວ​ງາມ ຫຸ່ນ​ຍົນໄດ​ໂນ​ເສົາ ຫຸ່ນ​ຍົນຕ໌​ຂົນ​ກະ​ເປ໋າ ແລະ​ ຫຸ່ນ​ຍົນຂະໜາດນ້ອຍ​ຖ້າ​ໃຫ້​ບໍລິການ​ໃນ​ຫ້ອງ​ພັກ

ຄລິບຈາກ Thai PBS

ໂຮງ​ແຮມ​ເຮນ​ນະ​ ຫຼື “ໂຮງ​ແຮມ​ປະ​ຫຼາດ” ມີ​ຈຸດ​ຂາຍ​ຢູ່​ທີ່​ການ​ໃຊ້​ພະ​ນັກ​ງານ​ຫຸ່ນ​ຍົນເບິ່ງແຍງ​ຜູ້​ເຂົ້າ​ພັກ ນອກ​ຈາກ​ຫຸ່ນ​ຍົນ​ພະ​ນັກ​ງານ​ສາວ​ງາມ​ແລ້ວ ຍັງມີ​ຫຸ່ນ​ຍົນໄດ​ໂນ​ເສົາ ເຮັດ​ຫນ້າທີ່​ຕ້ອນ​ຮັບ ໂດຍ​ຫຸ່ນ​ຍົນສາມາດ​ເວົ້າ​ໄດ້​ເຖິງ 4 ພາສາ ຍີ່​ປຸ່ນ ອັງ​ກິດ ຈີນ​ແລະ ​ເກົາ​ຫຼີ  ຫຸ່ນ​ຍົນ​ພະ​ນັກ​ງານ​ຕ້ອນ​ຮັບ​ສາວ​ງາມ​ທັກ​ທາຍ​ແຂກ​ທີ່​ເຂົ້າ​ພັກ​ໃນ​ໂຮງ​ແຮມ​ເຮນ​ນະ​ດ້ວຍ​ສຽງທີ່ອ່ອນ​ຫວານ​ພ້ອມ​ກັບ​ຮອຍ​ຍິ້ມ​ສ້າງ​ຄວາມ​ປະ​ທັບ​ໃຈ​ໃຫ້​ກັບ​ຜູ້​ທີ່​ມາ​ເຂົ້າ​ພັກ

ເມື່ອ​ລົງ​ຊື່​ເຂົ້າ​ພັກ​ທີ່​ໂຮງ​ແຮມ​ແລ້ວ ກໍ​ຈະ​ມີ​ຫຸ່ນ​ຍົນນຳ​ກະ​ເປົ໋າ​ໄປ​ສົ່ງ​ໃຫ້​ເຖິງ​ຫ້ອງ​ພັກໂດຍ​ຜູ້​ເຂົ້າ​ພັກ​ບໍ່​ຕ້ອງ​ຖື​ຄີກາດຈ໌ ​ຫຼື ກະ​ແຈ​ຫ້ອງ ເພາະ​ບ່ອນນີ້​ຈະ​ໃຊ້​ລະບົບ​ສະ​ແກນ​ໃບ​ໜ້າ​ເພື່ອ​ເປີດ​ປະຕູ

ນອກ​ຈາກນີ້ ພາຍ​ໃນ​ຫ້ອງ​ພັກ​ຍັງມີ​ຫຸ່ນ​ຍົນ​ໂຕນ້ອຍ​ຮູບ​ຮ່າງຄ້າຍ​ດອກ​ທິວ​ລິບ ເຮັດ​ຫນ້າທີ່​ຮັບ​ຄຳ​ສັ່ງ​ຂອງ​ຜູ້​ເຂົ້າ​ພັກ​ແລະ​ປັບ​ແສ​ງສະ​ວ່າງ ສ່ວນ​ອຸນຫະພູມ​ໃນ​ຫ້ອງ​ກໍ​ແສ​ນສະ​ບາຍ ເພາະ​ມີ​ລະບົບ​ກວດ​ຈັບ​ອຸນຫະພູມ​ຮ່າງກາຍ​ແລະ​ປັບ​ອຸນຫະພູມ​ໃຫ້​ເໝາະ​ສົມ ເພື່ອ​ໃຫ້​ຜູ້​ເຂົ້າ​ພັກ​ຮູ້ສຶກ​ຜ່ອນ​ຄາຍ​ຫຼາຍ​ທີ່​ສຸດ

ທ່ານຮິ​ເດ​ໂອະ ຊາ​ວາດະ ຜູ້​ບໍລິຫານ​ບໍລິສັດ​ນຳ​ທ່ຽວ​ລາ​ຄາ​ຍ່ອມ​ເຍົາ “ເອດ​ໄອ​ເອສ” ບອກ​ວ່າ ເຖິງວ່າ​ຫຸ່ນ​ຍົນ​ບໍ່​ສາມາດ​ແທນ​ທີ່​ຄົນ​ໄດ້ ແຕ່​ກໍ​ມີ​ຄວາມ​ສຸ​ພາບ​ແລະ​ເປັນ​ມິດ​ບໍ່​ຕ່າງ​ກັນ ໂດຍ​ລາ​ຄາ​ທີ່​ພັກ​ຢູ່ໃນ​ລາ​ຄາ​ທີ່​ສະບາຍ​ກະ​ເປົ໋າ​ພຽງແຕ່​ຄືນ​ລະ 450.000 ກີບເທົ່າ​ນັ້ນ

 

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...