ໃນ​ວັນທີ່ 20 ກໍລະກົດ​ນີ້ ດົງ​ບັງ​ຊິນ​ກິ ຈະ​ປ່ອຍ​ອາລະ​ບ້ຳ​ພິເສດ ‘RISE AS GOD’ ຜ່ານ​ເວັບ​ ຟັງ​ເພງ​ອອນ​ໄລ ໂດຍ​ຖື​ເປັນ​ການ​ກັບມາໃນ​ຮອບ 1 ປີ 5 ເດືອນ ນັບ​ຕັ້ງ​ແຕ່​ອາລະ​ບ້ຳ​​ຊຸດ​ທີ່ 7 ‘Spellbound’ ວາງ​ຈຳ​ໜ່າຍ​ເມື່ອ​ເດືອນກຸມພາ 2014

ໂດຍ​ອາລະ​ບ້ຳ​ພິເສດ ‘RISE AS GOD’ ຈະ​ເປັນ​ງານ​ເພງ​ສຸດ​ທ້າຍ​ຂອງ ຢູ​ໂນ​ຢຸນ​ໂຮ (U-know Yunho) ກ່ອນ​ທີ່​ລາວ​ຈະ​ອຳ​ລາ​ເຂົ້າ​ຄ້າຍທະຫານ​ໃນ​ວັນທີ່ 21 ກໍລະກົດ​ນີ້ ຊຶ່ງ​ກໍ່​ຈະ​ເປັນ​ການ​ແທນ​ຄຳ​ຂອບໃຈ​ແຟນໆ ​ທີ່​ສະໜັບສະໜູນ​​ພວກເຂົາ​ມາ​ຕະຫລອດ​ໄລ​ຍະ​ເວລາ​ທີ່​ຜ່ານມາ​ນັ້ນ​ເອງ ໃນ​ອາລະ​ບ້ຳ​ຈະ​ມີ​ເພງ​ໄຕເຕີ້ນ​ດ່ຽວ​ຂອ​ງ ​ກັງ​ຊາງ​ມິນ​ແລະ​ຢູ​ໂນ​ຢຸນ​ໂຮ ເປັນ​ເພງ​ທີ່​ຈະ​ເຮັດໃຫ້​ສຳ​ຜັດ​ໄດ້​ເຖິ​ງສະ​ໄຕ​ຂອງ​​ພວກເຂົາ ນອກ​ຈາກ​ໄຕ​ເຕີ້ນ​ແລ້ວ​ຍັງມີ​ເພງ​ຫລາກ​ຫລາຍ​ແນວ​ລວມ​ທັງ​ໝົດ 10 ເພງ

ດົງ​ບັງ​ຊິນ​ກິ ກຽມ​ປ່ອຍ​ອາລະບ້ຳ ‘RISE AS GOD’ ມິວ​ສິ​ກວີ​ດີ​ໂອ​ໄຕເຕີ້ນ 2    ມິວ​ສິ​ກວີ​ດີ​ໂອ ຜ່ານ​ທາງ​ເວັບ​ໄຊ​ຫລັກ​ແລະ SMTOWN YouTube ໃນ​ວັນທີ່ 20 ກໍລະກົດ​ນີ້