ຢ້ານ​ເສຍ​ໂສມ​ເພາະ​ເກີດ​ອຸບັດເຫດ​ລະຫວ່າງ​ຖ່າຍ​ທຳເກມ​ໂຊ​ແນວ Running Man  ເວີ​ເຊິນ​ຈີນ
ຫລັງສຸດມີ ລາຍ​ງານ​ວ່າ ຈາກ​ການ​ລາຍ​ງານ​ຂອງ​ສື່​ມວນ​ຊົນ​ຂອງ​ຈີນ​ກໍ່ຄື Tencent ແລະ Sina Entertainment ເປີດເຜີຍ​ວ່າ ນັກ​ສະແດງ​ສາວ ຟ່ານ​ປິງ​ປິງ ໄດ້​ຮຽກຮ້ອງ​ຂໍ​ປະ​ກັນ​ໜ້າ​ຂອງ​ນາງກ່ອນ​ທີ່​ນາງ​ຈະ​ໄປ​ຮ່ວມ​ລາຍ​ການ​ເກມ​ໂຊ​“Hurry Up, Brother” ຊຶ່ງ​ເປັນ​ລາຍ​ການ​ເກມ​ໂຊແບບ Running Man ເວີເຊິນ​ຈີນ
ລາຍ​ງານ​ລະ​ບຸ​ວ່າ ຟ່ານ​ປິງ​ປິງ​ຮຽກຮ້ອງ​ໃຫ້​ມີ​ການ​ປະ​ກັນ​ໜ້າ​ຂອງ​ນາງ​ເປັນ​ເງິນ 1 ລ້ານ​ຢວນປະມານ ໜຶ່ງພັນສອງຮ້ອຍຫ້າສິບລ້ານກີບ ໃນ​ກໍລະນີ​ທີ່​ເກີດ​ອຸບັດເຫດ​ໄດ້ຮັບ​ບາດ​ເຈັບ​ໃນ​ຂະນະ​ທີ່​ມີ​ການ​ຖ່າຍ​ທໍາລາຍ​ການ
ທາງ​ລາຍ​ການ Hurry Up, Brother ໄດ້​ອອກ​ມາ​ຕອບ​ໂຕ້​ລາຍ​ງານ​ສະບັບ​ດັ່ງ​ກ່າວ​ວ່າ ໃນ​ແຕ່​ລະ​ຕອນ​ຜູ້​ຮ່ວມ​ລາຍ​ການ​ທຸກ​ຄົນ​ຈະ​ໄດ້ຮັບ​ຄ່າ​ປະ​ກັນ​ຕັ້ງ​ແຕ່ 3 ລ້ານ​ຢວນ ຫາ 40 ລ້ານ​ຢວນ ປະມານ ສາມພັນເຈັດຮ້ອຍຫ້າສິບລ້ານກີບ ຫາ ຫ້າສິບພັນລ້ານກີບສຳລັບ​ຄ່າ​ປະ​ກັນ​ຂອງ ​ຟ່ານ​ປິງ​ປິງ ​ນັ້ນ ບໍ່​ໄດ້​ສູງ​ແບບທີ່​ມີ​ລາຍ​ງານ ແຕ່​ກໍ​ຖື​ວ່າ​ລາ​ຄາ​ຍັງ​ສູງ​ຢູ່