ສຳນັກຂ່າວຕ່າງປະເທດ ລາຍງານໃນວັນທີ 14 ກໍລະກົດນີ້ວ່າ ທາງການມຽນມາກຳລັງຈັດຫາລົດເມໂດຍສານ ປະມານ 100 ຄັນ ເພື່ອເປີດໃຫ້ບໍລິການລົດເມດ່ວນຂົນສົ່ງມວນຊົນ ຫລື BRT (Bus Rapid Transport) ໃນນະຄອນຢາງກຸ້ງ ເຊິ່ງເປັນການຮ່ວມທຶນລະຫວ່າງພາກລັດ ແລະ ເອກະຊົນ ພາຍໃຕ້ຊື່ BRT Lite ເພື່ອແກ້ບັນຫາການສັນຈອນທີ່ແອອັດໃນເມືອງຫລວງເກົ່າ ໂດຍແລ່ນໃຫ້ບໍລິການຕະຫລອດແນວເໜືອ – ໃຕ້ຂອງຕົວເມືອງ ດ້ວຍການສ້າງເລນໃຫ້ລົດ BRT ແລ່ນໂດຍສະເພາະຕາມຖະໜົນສຳຄັນຕ່າງໆ ເຊິ່ງຈະໃຊ້ທຶນປະມານ 24,4 ລ້ານໂດລາ ໂດຍແມ່ນເອກະຊົນຖືຮຸ້ນເຖິງ 60%.
