spot_img
Homeຊີວິດແລະຄວາມຮັກນ້ອງສາວສຸດທີ່ຮັກເອີຍ ຈົ່ງອ່ານໃຫ້ຈົບເດີ

ນ້ອງສາວສຸດທີ່ຮັກເອີຍ ຈົ່ງອ່ານໃຫ້ຈົບເດີ

Published on

10174841_1802775103280214_437668190916526267_n

ການທີ່ຍິງສາວຜູ້ໜຶ່ງຈະໄດ້ພົບກັບ ຊາຍດີໆຄົນໜຶ່ງ ບໍ່ຈຳເປັນທີ່ຈະ ຕ້ອງມີຄວາມເປັນຜູ້ໃຫຍ່ພຽງພໍ ເພາະເມື່ອໃດທີ່ຜູ້ຍິງມີຄວາມເປັນຜູ້ໃຫຍ່ພໍ ທີ່ຈະເພິ່ງພາໂຕເອງໄດ້ ເມື່ອນັ້ນກໍແປວ່າເຮົາ ບໍ່ເຄີຍພົບຜູ້ຊາຍດີໆເລີຍພຽງຄົນດຽວ.

ຈົ່ງຈົດຈຳໄວ້ ບໍ່ວ່າເຂົາຈະມີເງິນຫຼວງຫຼາຍປານໃດ ຈະມີຄວາມສາມາດພຽງໃດ ຈະຫຼໍ່ປານໃດ ຈະເວົ້າເກັ່ງຈັ່ງໃດ ຈະສະຫຼາດປານໃດ ຈະກະຕັນຍູຈັ່ງໃດ ມັກຊ່ວຍເຫຼືອຄົນອື່ນສ່ຳໃດ? ເຂົາບໍ່ຮັກເຮົາຈະມີປະໂຫຍດຫຍັງ!

ຈິດຕະແພດໄດ້ກ່າວໄວ້ວ່າ
“ຕໍ່ໃຫ້ເຮົາຮັກຜູ້ຊາຍຄົນນັ້ນພຽງໃດ ຈຸດເລິ່ມຕົ້ນຂອງຄວາມຮັກເລິ່ມຈາກຜູ້ຊາຍ ຖ້າຊາຍຄົນນັ້ນບໍ່ໄດ້ຮັກເຮົາ ເສຍຊາຍຄົນນັ້ນໄປກຸ້ມຄ່າກວ່າເສຍອີກ”

ບໍ່ມີຄູ່ອາດຈະງຽບເຫງົາແດ່ແຕ່ສາມາດ ມີຄວາມສຸກໄດ້ ເຮົາສາມາດເດິນທາງທ່ອງທ່ຽວໄດ້ ພຽງລຳພັງ ເຮົາສາມາດໂອ້ລົມກັບຜູ້ຊາຍໄດ້ທຸກໄວ ຢ່າງສະບາຍໃຈ ເຮົາສາມາດເລືອກກັບເຮືອນຫຼືໄປ ຊັອບປິງຢູ່ຫ້າງຫຼັງຈາກເລີກວຽກໄດ້ ດ້ວຍໂຕເຂົາເອງ ຄວາມເຫງົາຕອນໂສດບໍ່ໄດ້ ເປັນຕາຢ້ານຄືທີ່ເຮົາຄິດ ທີ່ໜ້າຢ້ານທີ່ສຸດກໍຄື ເມື່ອມີຄູ່ແລ້ວແຕ່ຮູ້ສຶກເຫງົາຕ່າງຫາກ!

ມີພໍ່ຜູ້ໜຶ່ງໄດ້ເຕືອນສະຕິລູກສາວຂອງລາວວ່າ

“ຄົນບາງຄົນເໝາະສົມກັບລູກ ແຕ່ເຂົາບໍ່ຮັກລູກ ຄົນບາງຄົນຮັກລູກ ແຕ່ເຂົາບໍ່ເໝາະສົມ ຖ້າຢາກຮູ້ວ່າເຂົາຮັກລູກຫຼືບໍ່? ຢ່າໃຊ້ຫູຟັງແຕ່ຈົ່ງໃຊ້ຕາເບິ່ງເອົາ ເບິ່ງວ່າເຂົາທຸ່ມເທຕໍ່ລູກພຽງໃດ ຖ້າຢາກຮູ້ວ່າເໝາະສົມກັນຫຼືບໍ່? ຢ່າຕັດສິນທີ່ເຂົາມີຫຍັງ? ແຕ່ຈົ່ງຕັດສິນໃຈຈາກຮອຍຍິ້ມ ຂອງລູກແລະນ້ຳຕາທີ່ຕ້ອງຫຼັ່ງອອກໄປຍ້ອນເຂົາ ຄົນທີ່ເຮັດໃຫ້ລູກຮ້ອງໄຫ້ຢູ່ເລື້ອຍໆ ຕໍ່ໃຫ້ເຂົາພຽບພ້ອມປານໃດ ກໍຢ່າເລືອກຝາກຊີວິດໄວ້ ຄົນທີ່ເຮັດໃຫ້ລູກຍິ້ມໄດ້ຕໍ່ໃຫ້ຖານະທຸກຍາກ ປານໃດກໍຄຸ້ມຄ່າທີ່ຈະຝາກຊີວິດໄວ້ ຈົ່ງເລືອກເມື່ອຍຍ້ອນຫົວ ຢ່າເລືອກສະບາຍແຕ່ຮ້ອງໄຫ້ທຸກມື້ ”

ເລືອກຄົນທີ່ກ້າເອົາຮູບເຮົາໄວ້ໃນກະເປົາເງິນ ເລືອກຄົນທີ່ກ້າລົງຮູບເຮົາໄວ້ໃນ ທາມລາຍຂອງເຂົາ ເລືອກຄົນທີ່ກ້າໃຫ້ເຮົາຮູ້ຄວາມເຄື່ອນໄຫວ ຂອງເຂົາ ເລືອກຄົນທີ່ ເຂົາກ້າທຸ່ມເທຄວາມຮັກໃຫ້ກັບເຮົາ.

ຖ້າການຄົບຫາໃຜ ເຂົາຄົນນັ້ນບໍ່ໄດ້ເຮັດໃຫ້ດູດີຂຶ້ນ ໃນສາຍຕາຂອງໃຜໆ ຂໍສະແດງຄວາມເສຍໃຈນຳ ເຂົາເລືອກຄົນຜິດເສຍແລ້ວ! ເພາະຖ້າຫາກເຂົາຮັກເຮົາແທ້ ເຂົາຈະບໍ່ເຮັດໃຫ້ຜູ້ຍິງຂອງເຂົາ ເບິ່ງຕ້ອຍຕ່ຳໃນສາຍຕາຂອງໃຜໆ.

ຜູ້ຊາຍບາງຄົນທີ່ຮັກເຮົາ ເຂົາຕ້ງການໃຊ້ຊີວິດກັບເຮົາທັງຊີວິດ, ຜູ້ຊາຍບາງຄົນທີ່ຮັກເຮົາ ເຂົາຕ້ອງການໃຊ້ຊີວິດກັບເຮົາພຽງຊົ່ວຄາວ, ຄົນທີ່ຕ້ອງການໃຊ້ຊີວິດກັບເຮົາທັງຊີວິດ ເຂົາອາດຈະບໍ່ໄດ້ຊື້ເຄື່ອງຂອງຫຼືບອກຮັກ ເຮົາທຸກໆມື້ດອກ ເພາະເຂົາພະຍາຍາມສ້າງໂຕເພື່ອເຮົາ ແລະຄອບຄົວ ຄົນທີ່ຕ້ອງການໃຊ້ຊີວິດກັບເຮົາພຽງຊົ່ວຄາວ ເຂົາຈະປະເຄນທຸກສິ່ງທຸກຢ່າງ ໃຫ້ກັບເຮົາ ຄ້າຍຄືວ່າເຂົາຂາດເຮົາແລ້ວຈະຕ້ອງຂາດໃຈ (ເຊິ່ງຄວາມຈິງແລ້ວ ບໍ່ມີໃຜຕາຍຍ້ອນຄວາມຮັກ ມີແຕ່ຕາຍຍ້ອນຄວາມຫຼົງ ແລະໂງ່ງົມງວາຍ).

ດັ່ງນັ້ນ, ຜູ້ຊາຍດີໆ ຈະຄິດເຖິງການຮ່ວມຊີວິດ ຜູ້ຊາຍຊົ່ວໆ ຈະຄິດເຖິງການຮ່ວມຕຽງຊື່ໆ, ນ້ອງສາວເອີຍ ນ້ອງຮັກໂຕເອງຫຼາຍເທົ່າໃດ ນ້ອງກໍມີຄ່າຕໍ່ຕົນເອງແລະຜູ້ອື່ນຫຼາຍເທົ່ານັ້ນ, ຢ່າເອົາອົກເອົາໃຈໃຜໆ ຈົນລືມຫ່ວງໃຍໂຕເອງ ຊີວິດໜຶ່ງບໍ່ຍາວນານ… ຈົ່ງຈື່ເອົາໄວ້ ຮັກໂຕເອງໃຫ້ຫຼາຍໆແດ່!.

ຂອບໃຈບົດຄວາມຈາກ: www.facebook.com/NusonBooks

 

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...