ສຳນັກຂ່າວຕ່າງປະເທດ ລາຍງານໃນວັນທີ 13 ກໍລະກົດນີ້ວ່າ ພາຍຸເຂດຮ້ອນ 2 ໜ່ວຍ ໄດ້ພັດເຂົ້າທາງພາກເໜືອຂອງເກາະລູຊອນ ປະເທດຟິລິບປີນ ເຮັດໃຫ້ ເກີດຝົນຕົກໜັກ ສົ່ງຜົນໃຫ້ມີຜູ້ເສຍຊິວິດແລ້ວ 8 ຄົນ, ເສັ້ນທາງ, ສະຖານທ່ີເຮັດວຽກ, ໂຮງຮຽນ ຢູ່ນະຄອນຫລວງ ມານິລາ, ເກີດນ້ຳຖ້ວມເປັນບໍລິເວນກວ້າງ ມີດິນເຈື່ອນ ແລະ ອື່ນໆ ໂດຍມີປະຊາຊົນເທິງເກາະລູຊອນ ໄດ້ຮັບຄວາມເດືອດຮ້ອນ ອົບພະຍົບໄປອາໄສຢູ່ສະຖານທີ່ພັກຊົ່ວຄາວເຖິງ 40,000 ຄົນ.
ນອກຈາກນັ້ນ ກຳປັ່ນປະມົງຫລາຍລຳເປ່ເພ, ສົ່ງຜົນໃຫ້ຊາວປະມົງສູນຫາຍອີກ 4 ຄົນ, ເຂົ້າ ແລະ ສາລີ ກໍໄດ້ຮັບຄວາມເສຍຫາຍ ເຊັ່ນກັນ ຄິດເປັນມູນຄ່າປະມານ 90 ຕື້ໂດລາ.