ສຳນັກຂ່າວຕ່າງປະເທດ ລາຍງານໃນວັນທີ 13 ກໍລະກົດນີ້ວ່າ ຜູ້ນຳກຸ່ມໃຊ້ເງິນສະກຸນເອີໂຣ ຫລື ເອີໂຣໂຊນ ໄດ້ມີມະຕິຕົກລົງ ຍອມຮັບແຜນຂໍກູ້ຢືນເງິນຂອງເກຣັກງວດທີ 3 ເພື່ອແກ້ໄຂບັນຫາວິກິດການການເງິນພາຍໃນປະເທດແລ້ວ ຫລັງຈາກການປະຊຸມທີ່ຍາວນານເຖິງ 17 ຊົ່ວໂມງ ທີ່ນະຄອນຫລວງບຣຸກແຊນ ປະເທດແບນຊິກ ເມື່ອວັນທີ 12 ກໍລະກົດທີ່ຜ່ານມາ (ຕາມເວລາໃນທ້ອງຖິ່ນ).
ທັງນີ້ ກອງປະຊຸມດັ່ງກ່າວ ແມ່ນຈັດຂຶ້ນຢ່າງຮີບດ່ວນ ໂດຍໄດ້ມີການຍົກເລີກກອງປະຊຸມສຸດຍອດຜູ້ນຳສະຫະພາບເອີຣົບ ທີ່ມີສະມາຊິກ 28 ປະເພດ ແລ້ວຫັນມາເປີດກອງປະຊຸມຜູ້ນຳກຸ່ມເອີໂຣໂຊນ ເຊິ່ງມີສະມາຊິກ 19 ປະເທດແທນ ເພື່ອພິຈາລະນາຂໍ້ສະເໜີປະຕິຮູບຂອງເກຣັກ.