ຕອນເຊົ້າຂອງວັນທີ 13 ກໍລະກົດ 2015 ນີ້ ທີມຂ່າວໄດ້ຮັບການຮ້ອງຂໍຈາກ ປະຊາຊົນບ້ານຕານມີໄຊທ່ານໜຶ່ງ ເຊິ່ງເປັນຕົວແທນປະຊາຊົນທີ່ຊົມໃຊ້ ເສັ້ນທາງຕານມີໄຊ ເມືອງໄຊທານີ ນະຄອນຫຼວງວຽງຈັນ ໂດຍກ່າວວ່າ ໃນຈຸດ 4 ແຍກໄຟແດງ ບ້ານຕານມີໄຊ ສະພາບເສັ້ນທາງເປ່ເພ ມາໄດ້ຫຼາຍປີແລ້ວ ຖ້າເປັນລະດູແລ້ງຈະມີຝຸ່ນແລະຂຸມ ແຕ່ກໍພໍໄປ-ມາໄດ້ ແຕ່ຖ້າເປັນລະດູຝົນແມ່ນການສັນຈອນ ລຳບາກຫຼາຍ ຍ້ອນເປັນຕົມ, ເປັນຂຸມເລິກ ແລະກວ້າງ ພ້ອມກັບມີນ້ຳຂັງ ດັ່ງນັ້ນ, ຈຶ່ງຮຽກຮ້ອງຜ່ານສື່ມວນຊົນ ໄປຍັງພາກສ່ວນໂຍທາເມືອງໄຊທານ ກໍຄືນະຄອນຫຼວງວຽງຈັນ ຂໍໃຫ້ລົງກວດກາ ແລະຫາວິທີແກ້ໄຂໃຫ້ແກ່ ປະຊາຊົນດ້ວຍ.
ຈາກ: ຊາວບ້ານຕານມີໄຊ, ນວຈ