ບົດ​ຄວາມ​ນີ້​ເຮົາ​ຈະ​ມາ ແນະ​ນຳ​ແອັບ​ຖະ​ໜອມ​ສາຍ​ຕາ​ສຳ​ລັບ​ລະ​ບົບ​ປະ​ຕິ​ບັດ​ການ Android ພ້ອມ​ເຕັກ​ນິກ​ການ​ໃຊ້​ງານ​ງ່າຍໆ​. ເນື່ອງ​ຈາກ​ວ່າ​ປັດ​ຈຸ​ບັນ  SmartPhone ກາ​ຖື​ວ່າ​ເປັນ​ອີກ​ປັດ​ໃຈ​ໜຶ່ງ​ໃນ​ຊີ​ວິດ​ປະ​ຈຳ​ວັນ​​ກໍ​ວ່າ​ໄດ້​. ມື້​ນີ້​ເຮົາ​ກໍ​ມີ​ແອັບ​ຖະ​ໜອມ​ສາຍ​ຕາ​ທີ່​ຈະ​ແນະ​ນຳ​ສຳ​ຫຼັບ​ຕົນ​ທີ່​ມັກ​ຫຼິ້ນ​ໂທ​ລະ​ສັບ​ບ່ອນ​ແສງ​ສະ​ຫວ່າງ​ໜ້ອຍ (​ປິດ​ໄຟ​ຫຼິ້ນ​ໂທລະ​ສັບ​) ນັ້ນ​ກໍ​ແມ່ນ​ແອັບ Screen Filter. ເປັນ​ແອັບ​ທີ່​ຊ່ວຍ​ໃຫ້​ SmartPhone ຫຼື Tablet ຂອງ​ທ່ານ​ສາ​ມາດ​ປັບ​ແສງ​ສະ​ຫວ່າງ​ໜ້າ​ຈໍ​ລົງ​ໜ້ອຍ​ໄດ້ (​ໜ້ອຍ​ລົງ​ຫຼາຍ​ກວ່າ​ SmartPhone ຫຼື Tablet ປົກ​ກະ​ຕິ​ທີ່​ຈະ​ສາ​ມາດ​ເຮັດ​ໄດ້ ). ກ່ອນ​ຈະ​ເລີ່ມ​ກໍ່​ໃຫ້​ໄປ​ດາວ​ໂຫຼດ​ແອັບ​ກັນ​ກ່ອນ​ຕາມ​ນີ້​ເລີຍScreen Filter ຫຼັງ​ຈາກ​ດາວ​ໂຫຼດ​ແລ້ວ​ກໍ່​ມາ​ເບິ່ງ​ວິ​ທີ​ໃຊ້ ແລະ ເຕັກ​ນີກ​ງ່າຍໆ​ກັນ​ເລີຍ​.

1. ກ່ອນ​ຈະ​ເປີດ​ໃຊ້​ງານ​ແນະ​ນຳ​ໃຫ້​ເອົາ​ແສງ​ສະ​ຫວ່າງ​ຂື້ນ​ໃຫ້​ຫຼາຍໆ​ກ່ອນ ຈາກ​ນັ້ນ​ກໍ​ຄິກ​ໃສ່ icon Screen Filter ເພຶ່ອ​ເປີດ​ໃຊ້​ງານ​ດັ່ງ​ຮູບ​.

2. ຈາກ​ນັ້ນ​ເປີດ​ໜ້າ​ການ​ແຈ້ງ​ເຕຶອນ​ຂື້ນ​ມາ​ໂດຍ​ການ​ເອົາ​ດີ້ວ​ມື​ຮູດ​ເທິງ​ໜ້າ​ຈໍ​ລົງ​ມາ ແລະ ຄິກ​ໃສ່ Screen Filter ດັ່ງ​ຮູບ

3. ຈາກນັ້ນປັບຄວາມສະຫວ່າງຕາມຄວາມເໝາະສົມ.ມັນຈະມີຕົວຢ່າງບອກດັ່ງຮູບ.

ຫຼັງ​ຈາກ​ກຳ​ນົດ​ຄ່າ​ຕາມ​ທີ່​ຕ້ອງ​ການ​ແລ້ວ​ໃຫ້​ຄິກ​ໃສ່ Enable Screen Filter. ພຽງ​ເທົ່າ​ນີ້​ກໍ​ໄດ້​ແລ້ວໆ ຖ້າ​ຫາກ​ທ່ານ​ຫຼົງ​ເຮັດ​ຈົນ​ໜ້າ​ຈໍ​ມືດ​ທ່ານ​ສາ​ມາດ Restart ເຄຶ່ອງ​ໃໝ່​ໂດຍ​ການ​ກົດ​ປຸ່ມ Power ຄ້າງ​ໄວ​ປະ​ມານ​20​ວິ​ນາ​ທີ ຫຼື ບາງ​ລຸ້ນ​ອາດ​ກົດ​ປຸ່ມ Power ພ້ອມ​ກັບ​ປຸ່ມ ສຽງ​ຂື້ນ ຫຼື ສຽງ​ລົງ​.

ໝາຍເຫດ: ແອັບນີ້ຈະໃຊ້ໄດ້ຜົນດີກັບໜ້າຈໍທີ່ໃຊ້ເທັກໂນໂລຊີ Super Amoled ໂດຍສ່ວນຫຼາຍແລ້ວຈະເຫັນໃນໂທລະສັບຂອງ Samsung ນັ້ນເອງ

ຂອບໃຈຂໍ້ມູນຈາກ: http://mobiletalk.tv/