ພົນລະເມືອງດີທ່ານໜຶ່ງ ໄດ້ແຈ້ງເຂົ້າສູ່ສຳນັກຂ່າວລາວໂພສຕ໌ວ່າ ຕອນເຊົ້າມື້ນີ້ ວັນທີ 12 ກໍລະກົດ 2015 ເວລາປະມານ 5 ໂມງເຊົ້າ ຢູ່ຖະໜົນລ້ານຊ້າງ (ປະຕູໄຊ-ຕະຫຼາດເຊົ້າ) ໄດ້ມີໄວລຸ້ນ ຂີ່ລົດຈັກແປງສະເພາບປະມານ 100 ກວ່າຄັນ ຈັດໂຕເປັນກຸ່ມແກ້ງຢຶດເອົາຖະໜົນ ຍ່ານດັ່ງກ່າວແລ້ວແຂ່ງລົດ ກັບໄປກັບມາ ເຊິ່ງໄດ້ສ້າງຄວາມຢ້ານກົວຕໍ່ຜູ້ສັນຈອນໄປ-ມາ ໂດຍສະເພາະຜູ້ຂັບຂີ່ລົດຈັກ ແມ່ນບໍ່ກ້າທີ່ຈະຂີ່ລົດຜ່ານສະຖານທີ່ດັ່ງກ່າວເລີຍ.
ນາງຕາຕ້າ ງາມວິໄລ ປະຊາຊົນທ່ານໜຶ່ງກ່າວວ່າ: ມື້ເຊົ້ານີ້ຂ້ອຍຟ້າວໄປໂຮງໝໍ ພັດມາຢ້ານເກີດອຸບັດເຫດກັບ ໄວລຸ້ນກຸ່ມນີ້ອີກ ເຮັດໃຫ້ການໄປໂຮງໝໍຊັກຊ້າລົງອີກ ດັ່ງນັ້ນ, ຈຶ່ງຂໍຮຽກຮ້ອງໃຫ້ເຈົ້າໜ້າທີ່ທີ່ກ່ຽວຂ້ອງ ອອກມາແກ້ໄຂບັນຫາແດ່ເດີ.
ຂອບໃຈພົນລະເມືອງດີ ທີ່ສົ່ງຂ່າວເຂົ້າມາ