ແມ່ຫຼາຍຄົນທີ່ຖືພາຢູ່ ນອກຈາກຢາກໃຫ້ລູກໃນທ້ອງມີສຸຂະພາບແຂງແຮງ ມີພັດທະນາການທີ່ດີແລ້ວ ສິ່ງທີສຳຄັນຄືຢາກໃຫ້ວັນທີ່ເກີດລູກ ເປັນວັນທີ່ລາບລື່ນ ໃຜເກີດແບບທຳມະຊາດກໍ່ຫວັງວ່າຈະເກີດອອກມາງ່າຍ ບໍ່ເຈັບປວດທໍລະມານຍາວນານ.
ມີເຄັດລັບທີ່ບອກຕໍ່ໆກັນມາວ່າ ຖ້າຊ່ວງຖືພາແມ່ຍິງຖືພາຍ່າງຫຼາຍໆ ຈະເຮັດໃຫ້ເກີດງ່າຍຂຶ້ນ ສຳລັບເລື່ອງນີ້ໃນຄວາມເປັນຈິງແລ້ວ ການເກີດນັ້ນມີປັດໄຈຫຼາຍຢ່າງປະກອບກັນ ບໍ່ວ່າຈະເປັນຂະໜາດໂຕຂອງເດັກນ້ອຍໃນທ້ອງ ການກັບໂຕກັບຫົວຂອງລູກ ຂະໜາດກະດູກອ່າງຊາມຂອງແມ່ ການບີບຮັດໂຕຂອງມົດລູກແລະອື່ນໆ.
ການບອກໃຫ້ແມ່ຍິງຖືພາຍ່າງຫຼາຍໆ ຈະເຮັດໃຫ້ເກີດລູກງ່າຍນັ້ນ ເປັນອຸບາຍໃຫ້ແມ່ຍິງຖືພາຢືດເສັ້ນຢືດສາຍ ເປັນການອອກກຳລັງກາຍທາງອ້ອມ ເພາະການຍ່າງເປັນການອອກກຳລັງກາຍຄ່ອຍໆ ທີ່ເໝາະກັບຊ່ວງຖືພາທີ່ສຸດ ຊ່ວຍໃຫ້ຮ່າງກາຍແມ່ພ້ອມ ມີຄວາມຢືດຢຸ່ນທີ່ດີ ບໍລິຫານອ່າງຊາມແລະຊ່ວຍໃຫ້ມົດລູກບີບໂຕໄດ້ດີ ເພື່ອກຽມພ້ອມສຳລັບການເກີດ.
ເຄັດລັບຊ່ວຍໃຫ້ເກີດງ່າຍຂຶ້ນ
– ອອກກຳລັງກາຍສະໝ່ຳສະເໝີ : ອອກກຳລັງກາຍຄ່ອຍໆ ເບົາໆ ເຊັ່ນ: ຫຼິ້ນໂຢຄະ ຫຼືຍ່າງ ຊ່ວຍເພີ່ມຄວາມແຂງແຮງ ແລະຊ່ວຍເຝິກລົມຫາຍໃຈເພື່ອກຽມ ສຳລັບເກີດລູກ ສຳລັບໂຢຄະຄວນຢູ່ໃນຄວາມດູແລຂອງຜູ້ຊ່ຽວຊານ ເພື່ອຄວາມປອດໄພທັງແມ່ແລະລູກໃນທ້ອງ.
– ຝຶກຫາຍໃຈເພື່ອເບັ່ງລູກ : ສຳຫຼັບແມ່ຍິງຖືພາທີ່ເຂົ້າຫຼັກສູດ ຈະມີການຝຶກລົມຫາຍໃຈ ເພື່ອໃຊ້ຊ່ວຍໃນການເບັ່ງລູກ ເຊິ່ງຄວນເຝິກເປັນປະຈຳໃຫ້ຄຸ້ນເຄີຍໃນ ຕອນເກີດລູກ.
– ຜ່ອນຄາຍ ບໍ່ຄຽດ : ຫາກິດຈະກຳທີ່ຊ່ວຍໃຫ້ຜ່ອນຄາຍ ບໍ່ຄຽດບໍ່ກັງວົນ ເຊັ່ນ: ພັກຜ່ອນ ຟັງເພງ ຫຼືການນວດ ຖ້າມີອາກປວດເມື່ອຍຈາກອາຍຸຄັນທີ່ເພີ່ມຂຶ້ນ ລອງແຊ່ນ້ຳອຸ່ນ ຫຼືໃຊ້ກະເປົານ້ຳຮ້ອນປະຄົບ.
– ບໍ່ອັ້ນປັດສະວະ : ລະຫວ່າງລໍຖ້າເກີດລູກບໍ່ຄວນອັ້ນປັດສະວະດົນໆ ເພາະກະເພາະປັດສະວະທີ່ເຕັມໄປດ້ວຍ ປັດສະວະຈະກີດຂວາງການຫົດໂຕຂອງມົດລູກ ເຮັດໃຫ້ເກີດລູກຍາກຂຶ້ນ.