ອີງຕາມເວັບໄຊ sportclassic ລາຍງານວ່າ ພາຍຫຼັງສຳເລັດກອງປະຊຸມ ເທັກນິກຄະນະກຳມະການບໍລິຫານຂອງສະຫະພັນດອກປີກ ໄກ່ແຫ່ງຊາດມາເລເຊຍ ເຊິ່ງຈັດ ຂຶ້ນຢູ່ນະຄອນຫຼວງກົວລາລຳເປີຂອງມາເລເຊຍ ເມື່ອວັນທີ 4 ກໍລະກົດ ຜ່ານມາ. ທ່ານ ເຕັງກູ ຕັນສິຣິ ມາຮາລິວ ເຕງກູ ອາຣີຟ ປະທານສະຫະພັນດອກ ປີກໄກ່ແຫ່ງຊາດມາເລເຊຍ ໄດ້ ເປັນປະທານຈັດງານຖະແຫຼງຂ່າວຕໍ່ສື່ມວນຊົນຢ່າງເປັນທາງການ ເຊິ່ງທ່ານໄດ້ສະຫຼຸບຜົນ ສຳເລັດຂອງກອງປະຊຸມດັ່ງນີ້:
- ປັບປຸງໂຄງສ້າງເງິນເດືອນ ແລະ ຜົນຕອບແທນໃຫ້ແກ່ນັກ ກິລາ
ກ: ທີ່ປະຊຸມເຫັນດີເປັນເອກະສັນເພີ່ມເງິນເດືອນໃຫ້ແກ່ນັກກິລາຈາກຂັ້ນພື້ນຖານ 2.500 ຣິງກິດ (ສະກຸນເງິນມາເລເຊຍ) ຫຼື ປະມານ 600 ໂດລາສະຫະລັດເຖິງສູງສຸດ 10 ພັນຣິງກິດເປັນອັດຕາໃໝ່ຄື: ຈາກຂັ້ນພື້ນ ຖານ 3.500 ຣິງກິດ ເຖິງສູງ ສຸດ 15 ພັນຣິງກິດ.
ຂ: ເພີ່ມເງິນໂບນັດສຳລັບນັກກິລາໂດຍພິຈາລະນາຈາກຜົນການແຂ່ງຂັນ ແລະ ລາງວັນຈາກການແຂ່ງຂັນກັບຜົນງານ ຈາກອັນດັບໂລກຂອງທຸກຄົນ.
ຄ: ພິຈາລະນາຈັດສັນເງິນສະຫວັດດີການແກ່ອະດີດນັກກິລາທີ່ເລີກຫຼິ້ນໄປແລ້ວເພື່ອຊ່ວຍເຫຼືອການດຳລົງຊີວິດປະຈຳວັນໂດຍເນັ້ນໃຫ້ສະຫວັດດີການທີ່ພັກອາໄສ, ການປິ່ນປົວສຸຂະພາບ ແລະ ສະພາບຊີວິດທີ່ເໝາະສົມ.
- ຈັດການແຂ່ງຂັນລະດັບໂຮງ ຮຽນ ແລະ ລະດັບປະເທດ
ກຳນົດຈັດການແຂ່ງຂັນລະດັບໂຮງຮຽນ ແລະ ລະດັບແຂວງໃຫ້ເປັນການຊີງຊະນະເລີດປະຈຳປີໂດຍໃຫ້ເລີ່ມຈັດຕັ້ງປະຕິບັດນັບແຕ່ປີ 2016 ເປັນຕົ້ນໄປເພື່ອເພີ່ມປະລິມານ ແລະ ຄຸນະພາບຂອງນັກກິລາຮຸ່ນໃໝ່, ໂດຍສະເພາະລະດັບ ໂຮງຮຽນນັ້ນຈາກການສຳຫຼວດທົ່ວປະເທດພົບວ່າມີສະໂມສອນດອກປີກໄກ່ທັງພາກລັດ ແລະ ເອກະຊົນເຖິງ 4 ພັນ ກວ່າແຫ່ງ.
ດັ່ງນັ້ນ, ຈຶ່ງຕັ້ງເປົ້າໝາຍວ່າທຸກໆສະໂມສອນຕ້ອງສ້າງນັກກິລາຮຸ່ນໃໝ່ໃຫ້ໄດ້ຢ່າງໜ້ອຍແຫ່ງລະ 10 ຄົນ, ໝາຍຄວາມ ວ່າ ນປີ 2016 ຈະຕ້ອງມີນັກກິລາດອກປີກໄກ່ໜ້າໃໝ່ຮຸ່ນທຳອິດຢ່າງໜ້ອຍ 40 ພັນ ຄົນເພື່ອກ້າວໄປສູ່ເປົ້າໝາຍສຸດທ້າຍ ຄື: ສ້າງນັກກິລາດອກປີກໄກ່ຮຸ່ນໃໝ່ໃນການແຂ່ງຂັນລະດັບຊາດຕັ້ງແຕ່ 2 ແສນຄົນຂຶ້ນໄປເພາະປັດຈຸບັນມາເລເຊຍ ມີນັກກິລ ດອກປີກໄກ່ໃນການແຂ່ງຂັນລະດັບຊາດພຽງ 4.800 ຄົນເທົ່ານັ້ນ.
