spot_img
Homeຂ່າວຕ່າງປະເທດກຳປູເຈຍ ຈະສ້າງຫໍຄອຍສູງ 285 ແມັດ ກຽມຮັບມືຖ່າຍທອດສົດ ຊີເກມສ໌ 2023!

ກຳປູເຈຍ ຈະສ້າງຫໍຄອຍສູງ 285 ແມັດ ກຽມຮັບມືຖ່າຍທອດສົດ ຊີເກມສ໌ 2023!

Published on

558000008005301

ສຳນັກຂ່າວຕ່າງປະເທດ ລາຍງານໃນວັນທີ 8 ກໍລະກົດຜ່ານມານີ້ວ່າ ກຳປູເຈຍຈະສ້າງຫໍກະຈາຍສຽງ ແລະ ພາບ ຄວາມສູງ 285 ແມັດຂຶ້ນ ໃນບໍລິເວນໃກ້ກັບສະໜາມກິລາແຫ່ງຊາດ ເຊິ່ງຕັ້ງຢູ່ໃນເຂດຕົວເມືອງ ເພື່ອກຽມພ້ອມຮັບມືການຖ່າຍທອດສົດ ກິລາຊີເກມສ໌ ປີ 2023 ໃນອີກ 8 ປີຂ້າງໜ້າ ໂດຍແມ່ນບໍລິສັດ Power China Kunming Engineering Corp Ltd ຂອງຈີນ ຈະເປັນຜູ້ດຳເນີນໂຄງການ ແລະ ກໍ່ສ້າງ.

ນອກຈາກຫໍກະຈາຍສຽງ ແລະ ພາບດັ່ງກ່າວແລ້ວ ພາຍໃນບໍລິເວນດຽວກັນ ຍັງຈະມີສິ່ງປຸກສ້າງອື່ນໆອີກຈຳນວນຫລາຍ ເຊິ່ງປະກອບມີອາຄານສຳລັບການກະຈາຍພາບອອກອາກາດ ແລະ ສົ່ງສັນຍານວິທະຍຸ 1 ຫລັງ ແລະ ອາຄານສູນຂ່າວສານທັນສະໄໝ 1 ຫລັງ ພ້ອມນັ້ນ ຍັງຈະມີຮ້ານອາຫານ, ຮ້ານກາເຟ, ຮ້ານອິນເຕີເນັດ ແລະ ຮ້ານຄ້າອື່ນໆອີກ ພ້ອມທັງລະບົບສິ່ງອຳນວຍຄວາມສະດວກຄົບຖ້ວນ ເຊິ່ງຈະທຳການກໍ່ສ້າງພາຍໃນພື້ນທີ່ 8 – 10 ເຮັກຕາ.

ແຫລ່ງຂ່າວໄດ້ລະບຸວ່າ ຢູ່ຊັ້ນເທິງຂອງຫໍກະຈາຍສຽງ ແລະ ພາບນີ້ ແມ່ນຈະສ້າງເປັນຈຸດຊົມວິວ ເຊິ່ງຈະເປີດໃຫ້ນັກທ່ອງທ່ຽວຂຶ້ນໄປຊົມທິວທັດ ຂອງນະຄອນຫລວງພະນົມເປັນໄດ້ ອີກທັງຍັງຈະມີຮ້ານອາຫານ ແລະ ຮ້ານກາເຟ ບໍລິການຢູ່ຊັ້ນເທິງນຳອີກ.

ແນວໃດກໍຕາມ ປັດຈຸບັນແມ່ນຍັງບໍ່ທັນກຳນົດເວລາໃນການກໍ່ສ້າງເທື່ອ ເພາະຍັງຢູ່ໃນຂັ້ນຕອນທຳອິດຄື ການສຶກສາໂຄງການ ແລະ ການວາງແຜນ.

.

ບົດຄວາມຫຼ້າສຸດ

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...