ການແຂ່ງຂັນບານເຕະ ຊິງແຊ້ມແຫ່ງທະວີບອາເມລິກາ ຫຼື ໂຄປາ ອາເມລິກາ 2015 ທີ່ປະເທດຊິລີ ເປັນເຈົ້າພາບ ເມື່ອວັນທີ 5 ກໍລະກົດ ຜ່ານມາ ຮອບຊິງຊະນະເລີດ ທີ່ສະໜາມ ເອັສຕາດິໂອ ນາຊິອອງນາລ ລະຫວ່າງ ທີມຊາດຊິລີ ພົບກັບ ທີມຊາດອາເຈນຕິນາ ອະດີດ ແຊ້ມ 14 ສະໄໝ ເຊິ່ງໃນຮອບ 4 ທີມສຸດທ້າຍ ຊິລີ ເອົາຊະນະ ເປຣູ ຫວຸດຫວິດ 2-1 ຂະນະທີ່ ອາເຈນຕິນາ ຖະຫຼົ່ມ ປາຣາໄກວ 6-1 ປະຕູ ແລະ ເປັນຄັ້ງ ທຳອິດ ທີ່ທັງ 2 ທີມພົບກັນໃນຮອບຊີງຊະນະເລີດ.
ເກມນີ້, ທ່ານ ຮໍເກ ຊຳເປົາລີ ຄູເຝິກທີມຊາດຊິລີ ສົ່ງຜູ້ຫຼິ້ນຊຸດ ຕົວຈິງລົງສະໜາມ ນຳໂດຍ ອາ ຕູໂຣ ວິດັລ ກອງກາງຈາກຢູ ເວັນຕຸສ, ອະເລັກຊິສ ຊານເຊຊ ກອງໜ້າຈາກອາເຊນອລ ແລະ ເອຄູອາໂດ ວາກັສ ຂະນະທີ່ ທ່ານ ເຄຣາໂດ ມາຕິໂນ ຄູເຝິກ ທີມຊາດອາເຈນຕິນາ ຫວັງພາ ທີມຄວ້າແຊ້ມສະໄໝທີ 15 ສົ່ງ ລິໂອເນລ ເມສຊີ ນັກເຕະໝາຍ ເລກ 1 ຂອງໂລກ ຈາກສະໂມ ສອນບາເຊໂລນານຳທັບ ໂດຍມີ ນັກເຕະຊູເປີສະຕາຫຼາຍຄົນ ບໍ່ວ່າຈະເປັນ ອັງເຄລ ດິມາເຣຍ, ເຊຄິໂອ ອະເກວໂຣ, ມາກອສ ໂຣໂຮ ລົງສະໜາມຢ່າງພ້ອມ ພຽງ.
ຜ່ານການແຂ່ງຂັນປາກົດວ່າ ໃນເວລາປົກກະຕິ ແລະ ໄລຍະ ຕໍ່ເວລາພິເສດ ທັງ 2 ທີມຍັງສະ ເໝີຢູ່ 0-0 ປະຕູ ຕ້ອງໄປຕັດ ສິນຫາຜູ້ຊະນະດ້ວຍການຍິງຈຸດໂທດ ປາກົດວ່າ ຊິລີ ຍິງໄດ້ ແມ້ນກວ່າ ເອົາຊະນະ ອາເຈນ ຕິນາ ທີ່ຢູ່ພາຍໃຕ້ຄວາມກົດ ດັນສຽງເຊຍຂອງແຟນບານເຈົ້າພາບ ໄປເຖິງ 4-1 ປະຕູ ຄວ້າ ແຊ້ມ ໂຄປາ ອາເມລິກາ ສະໄໝທຳອິດ ໄປຄອງຢ່າງຍິ່ງໃຫຍ່, ໃນຂະນະທີ່ ຄູ່ຊີງອັນດັບ 3 ເປຣູ ເອົາຊະນະ ປາຣາໄກວ 2-0.
ສຳລັບ ລາງວັນເກີບຄຳ ຫຼື ດາວຊັລໂວຕົກເປັນຂອງເອຄູ ອາໂດ ວາກັສ ທີມຊາດຊິລີ ກັບ ເປົາໂລ ເກເຣໂຣ ທີມຊາດເປຣູ ທີ່ຍິງໄດ້ 4 ປະຕູເທົ່າກັນ, ລາງ ວັນນັກເຕະດາວຮຸ່ງດີເດັ່ນ ໄດ້ ແກ່ ເຈສັນ ມູຣິນໂລ ທີມຊາດ ໂຄລອມເບຍ, ລາງວັນຜູ້ຮັກສາ ປະຕູດີເດັ່ນ ຕົກເປັນຂອງ ເຄລາ ດີໂອ ບາໂວ ທີມຊາດຊິລີ ແລະ ລາງວັນທີມມາລະຍາດດີເດັ່ນ ໄດ້ແກ່ທີມຊາດເປຣູ.
ສຳລັບການແຂ່ງຂັນຄັ້ງຕໍ່ໄປ ຈະຈັດຂຶ້ນ ລະຫວ່າງວັນທີ 3 -26 ມິຖຸນາ 2016 ທີ່ສະຫະ ລັດອາເມລິກາ.