ຂ່າວສານປະເທດລາວລາຍງານ ໂດຍອ້າງແຫຼ່ງຂ່າວຕ່າງປະເທດວ່າ: ຈີນ-ຣັດເຊຍຈັບມືກັນເປັນອັນໜຶ່ງອັນດຽວປະກາດຈະບໍ່ໃຊ້ເງິນໂດລາແລກປ່ຽນຊື້ຂາຍສິນຄ້າລະຫວ່າງສອງປະເທດ ພາຍຫລັງເງິນໂດລາສະຫະລັດໄຮ້ຄຸນຄາເປັນເພາະສະຫະລັດເອົາດີແຕ່ເຮັດສົງຄາມ ບໍ່ເຄີຍໃຫ້ຄວາມສົນໃຈສ້າງສາພັດທະນາປະເທດເພື່ອຮັບປະກັນເຮັດໃຫ້ຊີວິດການເປັນຢູ່ຊາວໂລກດີຂຶ້ນ ຍິ່ງກວ່ານັ້ນຍັງສ້າງຄວາມເດືອນຮ້ອນເຮັດໃຫ້ລະບົບເສດຖະກິດໂລກສັ່ນຄອນ. ແນວໃດກໍດີ ສະຫະລັດຖືວ່າເປັນປະເທດໜຶ່ງທີ່ຕິດໜີ້ຈີນຫລາຍທີ່ສຸດ ປັດຈຸບັນນີ້ ສະຫະລັດເຫັນທາງອອກມີແຕ່ຂາຍພັນທະບັດ ຫລື ເອີ້ນວ່າເຈ້ຍລ້າໆກໍ່ວ່າໄດ້ ເຊິ່ງເຈ້ຍດັ່ງກ່າວເປັນພຽງແຕ່ຕີເປັນມູນຄ່າວັດຖຸຊື່ ບໍ່ມີເງິນເປັນໂຕເປັນຕົນໃຫ້ໄດ້ຈັບ.
ຕາມທິດສະດີເສດຖະກິດແລ້ວ ຖ້າປະເທດໃດເອົາເງິນໄປເຮັດສົງຄາມຢ່າງດຽວຈະກໍໃຫ້ເກີດລະບົບໜີ້ສິນຫລາຍເພາະການເຮັດສົງຄາມບໍ່ໄດ້ສ້າງມູນຄ່າເພີ່ມ ໝາຍວ່າມີແຕ່ເອົາເງິນໄປຜະລິດອາວຸດ, ເອົາເງິນໄປຈ້າງທະຫານ ຫລື ເອີ້ນວ່າໄປຊື້ໃຈທະຫານໃຫ້ໄປຕາຍຢູ່ແນວໜ້າ ຢ່າລື່ມວ່າເຮັດສົງຄາມມີໃຊ້ຕົ້ນທຶນສູງເປັນຕັ້ນ: ຄ່າເງິນເດືອນທະຫານ, ອາຫານການກິນ, ຄ່ານໍ້າເຮືອນບິນ-ລົດ-ຖັງ, ຈ້າງແມ່ຄົວ, ລົງທຶນໃສ່ເຄືອຂ່າຍໂທລະຄົມມະນາຄົມ, ລະບົບປ້ອງກັນຄວາມປອດໄພ, ລົງທຶນໃສ່ເທັກໂນໂລຊີທັນສະໄໝ ເພື່ອເອົາຊະນະຄູ່ກົງກັນຂ້າມ ແລະ ອື່ນໆ ຍິ່ງໄປກວ່ານັ້ນຖ້າລົງທຶນຜະລິດອາວຸດໄປແລ້ວຊໍາພັດບໍ່ມີຄົນຊື້ເພາະຂາຍແພງເນື່ອງຈາກໃຊ້ຕົ້ນທຶນສູງໃນການຜະລິດ. ສະນັ້ນ, ບັນດາລູກກໍແຫ່ໄປຊື້ນໍາປະເທດອື່ນໆຕົວຢ່າງ ຣັດເຊຍ, ຈີນ ແລະ ເອີຣົບ.