spot_img
Homeສຸຂະພາບ ແລະ ສີ່ງແວດລ້ອມນະໂຍບາຍປິ່ນປົວບໍ່ເສຍຄ່າໄປໄດ້ດີ ແຕ່ມີງົບປະມານຈຳກັດ!

ນະໂຍບາຍປິ່ນປົວບໍ່ເສຍຄ່າໄປໄດ້ດີ ແຕ່ມີງົບປະມານຈຳກັດ!

Published on

vacine+1

ລັດຖະມົນຕີວ່າການກະຊວງສາທາລະນະສຸກສາສະດາຈານ ດຣ ເອກສະຫວ່າງ ວົງວິຈິດ ໃຫ້ ຮູ້ກ່ຽວກັບຄວາມຄືບໜ້າໃນການ ປະຕິບັດນະໂຍບາຍປິ່ນປົວບໍ່ເສຍ ຄ່າ, ໂດຍສະເພາະປິ່ນປົວ ເດັກນ້ອຍລຸ່ມ 5 ປີວ່າ: ພາຍຫລັງກະ ຊວງສາທາລະນະ ສຸກ, ໄດ້ສ້າງດຳລັດວ່າດ້ວຍການອຸດໜູນການເກີດລູກ ແລະ ປິ່ນປົວ ເດັກລຸ່ມ 5 ປີ ບໍ່ເສຍຄ່າທີ່ໄດ້ຮັບຮອງໂດຍລັດຖະ ບານເຫັນວ່າໄດ້ມີ ຄວາມພະຍາ ຍາມໃນການ ເອົາໃຈໃສ່ສຸຂະພາບ ແມ່ ແລະ ເດັກຕັ້ງແຕ່ການວາງ ແຜນຄອບຄົວ, ການຝາກທ້ອງ ກ່ອນເກີດ, ການເກີດທີ່ມີຜູ້ຊ່ວຍ ເກີດທີ່ຊຳນານ(ຜະດຸງຄັນ), ຕິດ ຕາມຫລັງເກີດ ແລະ ການສັກຢາ ກັນພະຍາດ, ຊຶ່ງທຸກ ຂອດລ້ວນແຕ່ມີຄວາມສຳຄັນ, ໂດຍໃນນັ້ນໄດ້ ສຸມໃສ່ສ້າງແພດຜະ ດຸງຄັນຊຸມຊົນ ແລ້ວແຈກຢາຍລົງໂຮງໝໍເມືອງ ແລະ
ສາທາລະນະສຸກໃຫ້ໄດ້ຢ່າງ ໜ້ອຍໜຶ່ງຄົນຕໍ່ສະຖານບໍລິການສຸ ຂະພາບໜຶ່ງແຫ່ງ, ຫັນເອົາຜູ້ສຳ ເລັດການສຶກສາລົງຮາກຖານ, ເລັ່ງຍົກລະດັບບັນດາສຸກສາລາ ເຂດຈຸດສຸມໃຫ້ກາຍເປັນໂຮງໝໍ ນ້ອຍທີ່ປະກອບມີຫ້ອງອອກລູກ, ອຸປະກອນຊ່ວຍອອກລູກ ແລະ ຜະດຸງຄັນ ແລະ ແພດໝໍທີ່ສາມາດ ແກ້ໄຂກໍລະນີສຸກເສີນພື້ນຖານໄດ້, ເລັ່ງຍົກລະດັບບັນດາໂຮງໝໍເມືອງ ເປົ້າໝາຍໃຫ້ກາຍເປັນໂຮງໝໍ ຊຸມ ຊົນທີ່ປະກອບມີຫ້ອງຜ່າຕັດ, ອຸປະ ກອນຜ່າຕັດ, ຊ່ວຍຊູຊີບ ແລະ ແພດ ຊ່ຽວຊານທີ່ສາມາດແກ້ ໄຂກໍລະນີ ສຸກເສີນຮ້າຍແຮງ ຫລື ສາມາດຜ່າ ຕັດເອົາລູກອອກໄດ້, ໄປຄຽງຄູ່ ກັນນັ້ນຕ້ອງໄດ້ຂົນ ຂວາຍລະດົມທຶນຈາກອົງການຈັດຕັ້ງສາກົນ ແລະ ງົບປະມານລັດ ເພື່ອຈັດຕັ້ງ ປະຕິບັດໂຄງການ ອຸດໜູນເກີດລູກ ແລະ ປິ່ນປົວເດັກລຸ່ມ 5 ປີບໍ່ເສຍຄ່າ ເປັນຕົ້ນ: ອຸດໜູນຄ່າເດີນທາງ, ຄ່າອາຫານ ໃຫ້ແມ່ຍິງຖືພາພ້ອມຜູ້ຕິດ ຕາມໜຶ່ງຄົນ, ຄ່າປິ່ນປົວ ແລະ ຜ່າ ຕັດອື່ນໆເພື່ອເຮັດໃຫ້ປະຊາຊົນ ຜູ້ທຸກຍາກຫ່າງໄກສອກຫລີກ ແລະ ປະຊາຊົນບັນດາເຜົ່າສາມາດເຂົ້າເຖິງການບໍລິການຕາ ໜ່າງສາທາລະ ນະສຸກໄດ້, ແຕ່ເນື່ອງຈາກເງື່ອນ ໄຂງົບປະ ມານທີ່ຈຳກັດ, ຈຶ່ງບໍ່ສາມາດຂະ ຫຍາຍໂຄງການດັ່ງກ່າວໄດ້ທົ່ວເຖິງ, ປັດຈຸບັນໂຄງການໄດ້ກວມເອົາ 96 ເມືອງສຳລັບວຽກ ເກີດລູກ, ປິ່ນປົວເດັກບໍ່ເສຍຄ່າ ແລະ 88 ເມືອງທີ່ມີກອງທຶນສຸຂະ ພາບເພື່ອຜູ້ທຸກຍາກ ແລະ ສົກປີ 2014-2015 ກະຊວງສາທາລະ ນະສຸກໄດ້ສະໜອງງົບປະມານ 14,8 ຕື້ກີບ ເພື່ອຈັດຕັ້ງປະຕິບັດ ໂຄງການເກີດລູກ ແລະ ປິ່ນປົວເດັກ ລຸ່ມ 5 ປີບໍ່ເສຍຄ່າ ແລະ ສະໜອງ ງົບປະມານຈຳນວນ 20 ຕື້ກີບ ຜ່ານກອງທຶນຊ່ວຍເຫລືອຜູ້ທຸກຍາກດ້ານສຸຂະພາບ ແລະ ຄັງປະກັນສຸຂະພາບແຫ່ງຊາດອີກດ້ວຍ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ພິທີມອບ-ຮັບໃບປະກາສະນີຍະບັດ ໃຫ້ນັກສຶກສາທີ່ສຳ ເລັດການສຶກສາ ປະຈໍາສົກສຶກສາ 2024-2025

ສົກສຶກສາ 2024-2025 ນັກສຶກສາ ມຊ ໄດ້ໃບປະກາດແດງ 64 ຄົນ ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີມອບ-ຮັບໃບປະກາສະນີຍະບັດ ໃຫ້ນັກສຶກສາທີ່ສຳ ເລັດການສຶກສາ ປະຈໍາສົກສຶກສາ 2024-2025 ມີທັງໝົດ 3.352...

ປະສານສຽງແຕກຍິງທົດລອງ ຄັ້ງທີ I ການຊ້ອມຮົບຮ່ວມ ລາວ-ຣັດເຊຍ “ລາໂຣສ-2025”

ປະສານສຽງແຕກ ຄັ້ງທີ I ການຊ້ອມຮົບຮ່ວມ ລາວ-ຣັດເຊຍ "ລາໂຣສ-2025" ໜັງສືພິມກອງທັບລາຍງານວ່າ: ​ວັນທີ 20 ກັນຍາ 2025, ທີ່ ສະໜາມຫັດແອບວິທະຍາຄານ ນາຍທະຫານບົກ ກົມມະດໍາ...

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...