ຂ່າວສານປະເທດລາວ: ເຈົ້າໜ້າທີ່ຕໍາຫລວດແຂວງສະຫວັນນະເຂດ ຊີ້ແຈງເຫດຂ້າກັນຕາຍ 4 ສົບ ບາດເຈັບສາຫັດ 1 ຄົນໃນຕອນບ່າຍເວລາ 14:00 ໂມງຂອງວັນທີ 5 ກໍລະກົດ 2015 ຜ່ານມານີ້ວ່າ: ເປັນຍ້ອນເລື່ອງຊູ້ສາວ ສົ່ງຜົນເຮັດໃຫ້ເກີດຄວາມຄຽດຊັງ ແລະ ຫືງຫວງຢ່າງແຮງຈົນເຖິງຂັ້ນວາງແຜນ ສັງຫານໂຫດໄຮ້ຄວາມປານີ ພ້ອມນີ້ເຈົ້າໜ້າທີ່ໜ້າຕໍາຫລວດຍັງຄົ້ນພົບ ປະຫວັດມືສັງຫານລາຍນີ້ເຄີຍຕິດຄຸກມາເປັນເວລາຫລາຍປີ ພໍເມື່ອອອກຈາກຄຸກສົງໃສວ່າເມຍຕົນເອງ ມີສໍາພັນກັບຊາຍຄົນອື່ນ ຫລື ເອີ້ນວ່າຫລິ້ນຊູ້ໃນໄລຍະເວລາໃຊ້ຊີວິດໃນຄຸກ ຈຶ່ງຕັດສິນໃຈລົງມືຂ້າເມຍ, ຜູ້ບ່າວ, ຍາດພີ່ນ້ອງຢ່າງໂຫດຫ້ຽມ.
ລາຍງານຂ່າວຕື່ມວ່າ ການສັງຫານໂຫດຄັ້ງນີ້ວາງແຜນເປັນຢ່າງດີ ນຳໄປຂ້າຫຼາຍທີ່ ຫຼາຍຄົນ ແລະໃຊ້ເວລາຫຼາຍຊົ່ວໂມງ ເຊັ່ນ ລໍ້ເມຍລາວໄປຍິງຖິ້ມຢູ່ບ້ານທ່າຫົວຊ້າງ ແລ້ວໂທຫາຫມູ່ທີ່ເປັນຕຳຫຼວດມາເອົາສົບເມຍພ້ອມລູກໃນທ້ອງ(ລູກຊາຍອີກຜູ້ໜຶ່ງຍັງຫາບໍ່ເຫັນ) ແລ້ວຂັບລົດໄປຍິງຜູ້ຊາຍທີ່ເປັນຊູ້ກັບເມຍລາວ ຕາຍຢູ່ບ້ານໜອງບົກ, ແລ້ວຂ້າມເຮືອມາຝັ່ງສະຫວັນ ຄືບ້ານຕົ້ນເເຫນ ເເລ້ວໄປຊອກຫາຖາມຫາທີ່ຢູ່ພໍ່ບ້ານ ທີ່ເປັນຜູ້ເວົ້າຄວາມກ່ຽວກັບເລື່ອງຫລິ້ນຊູ້ ແລະ ຜູ້ກ່ຽວສືບຕໍ່ຍິງລູກສາວນາຍບ້ານທີ່ບ້ານຕົ້ນແຫນ ມ ໄຊບູລີແລ້ວ ນໍາໄປຍິງພໍ່ບ້ານອີກຄົນທີ່ມາເວົ້າຄວາມນຳກັນທີ່ບ້ານເວີນ ບາດເຈັບສາຫັດ ປັດຈຸບັນປິ່ນປົວຢູ່ໂຮງໝໍມຸກດາຫານ ຫລັງຈາກນັ້ນກໍຍິງໂຕເອງຕາຍ ສະຫລຸບເເລ້ວ ຕາຍ 4 ຄົນ ບາດເຈັບສາຫັດ 1ຄົນ (ບໍ່ເເມ່ນຕາຍ 5 ). ທັງໝົດນັ້ນ ເກີດຂຶ້ນທີ່ເມືອງໄຊບູລີ ແຂວງສະຫວັນນະເຂດ.
