ການຖືພາຕັ້ງແຕ່ອາຍຸຍັງນ້ອຍຫຼາຍຄົນ ອາດພະຍາຍາມເບິ່ງໃນແງ່ດີ ໂດຍສະເພາະໃນດ້ານກາຟື້ນໂຕ ແລະການກັບມາມີຮູບຮ່າງເຂົ້າທີ່ເຂົ້າທາງ ຄືເມື່ອກ່ອນຖືພາ ແຕ່ໃນຄວາມເປັນຈິ່ງພົບວ່າ ຜູ້ຍິງທີ່ຖືພາຕັ້ງແຕ່ໄວລຸ່ນມີໂອກາດ ກາຍເປັນສາວ “ຕຸ້ຍ” ໃດ້ຫຼາຍທີ່ສຸດ.
ຈາກການສຶກສາຂອງມະຫາວິທະຍາໄລມິຊິແກນ ພົບວ່າປັດຈຸບັນຜູ້ຍິງອັງກິດ 15 ເປີເຊັນຈະຕຸ້ຍຈົນເກີນມາດຕະຖານ ໃນຂະນະຖືພາ ຂະນະທີ່ເມື່ອ 20 ປີກ່ອນ ໂຕເລກນີ້ຢູ່ທີ່ 7 ເປີເຊັນເທົ່ານັ້ນເອງ ແລະຍັງພົບວ່າຜູ້ຍິງໄວລຸ່ນ (ອາຍຸບໍ່ເກີນ 19 ປີ) ທີ່ຖືພາກ່ອນໄວອັນຄວນນັ້ນ 1 ໃນ 3 ຂອງກຸ່ມຕົວຢ່າງກາຍເປັນຄົນຕຸ້ຍໃນທີ່ສຸດ.
“ສາເຫດສ່ວນໜຶ່ງຄື ເມື່ອພວກເຮົາຕ້ອງດູແລໃຫ້ຄວາມຊ່ວຍເຫຼືອ ແມ່ໄວສາວເຫຼົ່ານີ້ ສ່ວນຫຼາຍພວກເຮົາມັກເບິ່ງໄປທີ່ການດູແລເດັກນ້ອຍ ຈະລ້ຽງລູກແບບໃດ ການສຶກສາຂອງແມ່ຈະເຮັດແນວໃດ ລູກຈະຢູ່ແບບໃດ ຕະຫຼອດຈົນເຖິງການຊ່ວຍເຫຼືອທາງການເງິນ ແຕ່ສິ່ງໜຶ່ງທີ່ພວກເຮົາມັກລືມໄປກໍ່ຄື ການດູແລສຸຂະພາບຂອງແມ່ໄວສາວເຫຼົ່ານີ້ ເຮັດໃຫ້ພວກເຂົາເຈົ້າກິນອາຫານທີ່ບໍ່ມີປະໂຫຍດ.” ດຣ ແທມມີ່ ຊາງ ຫົວໜ້າຄະນະວິໄຈກ່າວ .
ຂະນະທີ່ການສຶກສາຈາກ University of London ພົບວ່າ ແມ່ທີ່ມີການຄວບຄຸມອາຫານຢ່າງດີນັ້ນ ສ່ຽງຕໍ່ການປ່ວຍດ້ວຍໂລກເບົາຫວານ ຄວາມດັນ ແລະການເກິດກ່ອນກຳໜົດນ້ອຍກວ່າແມ່ທີ່ ບໍ່ໄດ້ຄວບຄຸມອາຫານ.
ນອກຈາກນັ້ນ ແມ່ໄວສາວຫຼາຍຄົນຍັງຕ້ອງລ້ຽງລູກຕາມລຳພັງຄົນດຽວ ເຊິ່ງເຮັດໃຫ້ພວກເຂົາເຈົ້າບໍ່ມີໂອກາດ ຮັບປະທານອາຫານທີ່ດີຕໍ່ສຸຂະພາບ ເນື່ອງຈາກລຳພັງພຽງເວລາທີ່ຈະໃດ້ກິນເຂົ້າ ເຂົ້າຫ້ອງນ້ຳ ກໍ່ເກືອບບໍ່ພຽງພໍແລ້ວ ຈຶ່ງເຮັດໃຫ້ໂອກາດທີ່ພວກເຂົາເຈົ້າຢິບອາຫານ ທີ່ຮັບປະທານງ່າຍໆ ແກ້ຢາກໄປກ່ອນເປັນໄປໄດ້ສູງນັ້ນເອງ.