Homeຂ່າວການພັດທະນາສສຊ ແຂວງຫລວງພະບາງຊີ້ແຈງ ການ​ສຳ​ປະທານ​ຕາດ​ກວາງຊີ​ ຍັງ​ຢູ່​ຂັ້ນ​ຕອນ​ສຶກສາ​ຄວາມ​ເປັນ​ໄປ​ໄດ້!

ສສຊ ແຂວງຫລວງພະບາງຊີ້ແຈງ ການ​ສຳ​ປະທານ​ຕາດ​ກວາງຊີ​ ຍັງ​ຢູ່​ຂັ້ນ​ຕອນ​ສຶກສາ​ຄວາມ​ເປັນ​ໄປ​ໄດ້!

Published on

Than+Bouathong+phaengsavan

ເມື່ອ​ບໍ່​ດົນ​ມາ​ນີ້, ມີ​ຫລາຍ​ບັນຫາ​ທີ່​ຟົດ​ຂຶ້ນ​ໃນ​ໂລກ​ອອນ​ລາຍ, ​ໂດຍສ​ະ​ເພາະ​ເລື່ອງ​ເຈົ້າ​ແຂວງ​ຫລວງ​ພະ​ບາງ​ອອກ​ຂໍ້​ຕົກລົງ​ໃຫ້​ບໍລິສັດ ອາ​ໂຈ ກຣຸບ ສປ ຈີນ, ​ເປັນ​ຜູ້​ສຳ​ປະທານ​ພັດທະນາ ​ແຫ​ລ່ງທ່ອງ​ທ່ຽວຕາດ​ກວາງຊີອັນ​ເປັນ​ແຫລ່ງ​ທ່ອງ​ທ່ຽວ​ທີ່​ລື​ຊື່​ຂອງ​ແຂວງ​ຫລວງ​ພະ​ບາງມາ​ແຕ່​ດຶກ​ດຳ​ບັນ, ​ແຕ່​ສິ່ງດັ່ງກ່າວ​ພວມ​ຈະ​ກາຍ​ເປັນ​ຂອງ​ນັກ​ລົງທຶນ​ຕ່າງປະ​ເທດ​ໄປ​ເສຍ​ແລ້ວ.

ຕໍ່​ບັນຫາ​ດັ່ງກ່າວທ່ານ ບົວທອງ ​ແພງ​ສະຫວັນ ສະມາຊິກ​ສະພາ​ແຫ່ງ​ຊາດ ​ເຂດ​ເລືອກ​ຕັ້ງ​ທີ 6 ​ແຂວງ​ຫລວງ​ພະ​ບາງ ​ໄດ້​ຂຶ້ນ​ອະທິບາຍ​​ໃນ​ວາລະ​ກອງ​ປະຊຸມສະ​​​ໄໝ​ສາມັນ​​ເທື່ອທີ 9 ຂອງ​ສະພາ​ແຫ່ງ​ຊາດ​ຊຸດ​ທີ່ VII ​ໃນອາທິດຜ່ານ​ມາ​ນີ້​ວ່າ: ​ເຈົ້າ​ແຂວງ​ຫລວງ​ພະ​ບາງ ​ໄດ້​ອອກ​ຂໍ້​ຕົກລົງ​ເລກທີ 059/ຈຂ.ຫຼບ ລົງ​ວັນ​ທີ 07 ​ເມສາ 2015 ວ່າ​ດ້ວຍ​ການ​ອະ ນຸມັດ​ໃຫ້ບໍລິສັດ ອາ​ໂຈກຣຸບ ສປ ຈີນ ​ເປັນ​ຜູ້​ສຳ​ຫລວດ-ອອກ​ແບບ​ອ້ອມ​ຮອບ​ແຫ​ລ່ງທ່ອງ​ທ່ຽວ​ຕາມ​ກວາງຊີ ແທ້​ຈິງ, ​ແຕ່​ການ​ສຳ​ປະທານ​ຈະ​ໄດ້​ມີ​ການ​ປະມູນ​ກັນ​ຂຶ້ນ​ອີກ​ເທື່ອ​ໜຶ່ງວ່າຈະ​ເປັນ​ບໍລິສັດ​ຂອງ​ລາວຫລືຈີນທີ່​ຈະ​ໄດ້​ຮັບ​ອະນຸມັດ​ຈາກ​ລັດຖະບານ​ໂດຍ​ກົງ, ຊຶ່ງ​ປັດຈຸບັນ​ນີ້ຍັງ​ຢູ່​ໃນ​ຂັ້ນ​ຕອນ​ການ​ສຶກສາ​ຄວາມ​ເປັນ​ໄປ​ໄດ້ ​ແລະ ຍັງ​ບໍ່​ທັນ​ໄດ້​ມີ​ການ​ດຳ​ເນີນ​ການ​ສຳ​ຫລວດ​ແຕ່​ຢ່າງ​ໃດ.

ການ​ສຳ​ຫລວດ​ແຫ​ລ່ງທ່ອງ​ທ່ຽວ​ດັ່ງກ່າວ ​ກໍເພື່ອ​​ເປັນ​ການ​ປັບປຸງ​ແຫລ່ງທ່ອງ​ທ່ຽວ​​ແຫ່ງ​ນີ້​ຕື່ມ​ອີກ​ ພ້ອມ​ທັງ​ເປັນ​ການ​ຂະຫຍາຍ​ສະຖານ​ທີ່​ທ່ອງທ່ຽວ​ໃຫ້​ກວ້າງ​ອອກ ​ເພື່ອ​ຫລຸດຜ່ອນ​ຄວາມ​ແອ​ອັດ​ ​ແລະ ດຶງ​ດູດ​ນັກ​ທ່ອງ​ທ່ຽວ​ທີ່​ເຂົ້າ​ມາ​ທ່ຽວ​ໃຫ້​ມີ​ຄວາມ​ສະດວກ​ຫລາຍ​ຂຶ້ນ, ​ເພາະ​ແຂວງ​ດັ່ງກ່າວ​ໄດ້​ຖື​ເອົາ​ການທ່ອງທ່ຽວ​ເປັນ​ຫລັກ​ໃນ​ການ​ສ້າງ​ລາຍ​ຮັບ​ເຂົ້າ​ງົບປະ ມານຂ​ອງ​ແຂວງ, ​ໂຄງການ​ນີ້​ຖ້າ​ຫາກ​ມີ​ການ​ສຳ​ຫລວດ​ແລ້ວທາງ​ຄະນະ​ກຳມະການ​ຂັ້ນ​ແຂວງ​ຈະ​ໄດ້​ກວດກາ​ຄືນ​ກ່ຽວ​ກັບ​ຜົນ​ຂອງ​ການ​ສຳ​ຫລວດ​ເພື່ອ​ສຶກສາ​ຄວາມ​ເປັນ​ໄປ​ໄດ້ ​ແລະ ຂຽນ​ເປັນ​ບົດ​ວິພາກ​ເສດຖະກິດ​ຄັກ​ແນ່​ວ່າ ​​ຈະ​ໄດ້​ຮັບ​ຜົນ​ປະ​ໂຫຍ​ດຊ່ຳ​ໃດ ? ມີ​ລາຍ​ຮັບ​ຫລາຍ​ປານ​ໃດ​ໃນ​ແຕ່ລະ​ປີ ? ສ່ວນ​ຂັ້ນ​ຕອນ​ການ​ຮັບ​ເໝົາ​ກໍ່ສ້າງ​ຕົວ​ຈິງ​ນັ້ນ​ແມ່ນຍັງ​ຈະ​ຕ້ອງ​ໄດ້​ມີ​ການ​ປະມູນ​ຕື່ມ​ວ່າ​ບໍລິສັດ​ໃດກັນ​ແທ້, ​​​ເຖິງ​ຢ່າງ​ໃດກໍ​ຕາມ, ບໍ່​ວ່າ​ຈະ​ເປັນ​ບໍລິສັດ​ຂອງ​ຈີນ ຫລືລາວທີ່​ໄດ້​ຮັບ​ການ​ສຳ​ປະທານ, ​​ກໍລ້ວນ​ແລ້ວ​ແຕ່​ຍັງຢູ່​ໃນ​ການ​ຄຸ້ມ​ຄອງ​​ຂອງລັດຖະບານ​ເຮົາ, ຊຶ່ງ​ຂໍ​ພຽງ​ແຕ່​ວ່າການ​ດຳ​ເນີນ​ງານຂອງ​ເຂົາ​ເຈົ້າ​ໃຫ້​ມີ​ປະສິດທິ​ຜົນ​ດີ​ຂຶ້ນ​ກວ່າ​ເກົ່າ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...