ສຳນັກຂ່າວຕ່າງປະເທດລາຍງານວ່າ ໃນມື້ວານນີ້ (30 ມິຖຸນາ) ຮ້ານຈືນໄກ່ເຄເອັບຊີ (KFC) ຊື່ດັງລະດັບໂລກ ໄດ້ເປີດສາຂາທຳອິດໃນປະເທດມຽນມາ ທີ່ນະຄອນຫລວງຢາງກຸ້ງ ໂດຍໃນມື້ດັ່ງກ່າວມີຊາວມຽນມາຈຳນວນຫລາຍ ຢືນເຂົ້າແຖວຕໍ່ຄິວເພື່ອລໍຖ້າຊື້ ດົນເຖິງ 3 ຊົ່ວໂມງ ເຊິ່ງຮ້ານ KFC ດັ່ງກ່າວນີ້ ແມ່ນມີບໍລິສັດຂອງມຽນມາ ເປັນຮຸ້ນສ່ວນກັບບໍລິສັດ KFC ເຊິ່ງເປັນບໍລິສັດແມ່ໃນສະຫະລັດອາເມຣິກາ ອັນເປັນຮ້ານອາຫານຕາເວັນຕົກອີກແຫ່ງໜຶ່ງ ທີ່ໄດ້ເຂົ້າມາບຸກເບີກຕະຫລາດໃນປະເທດດັ່ງກ່າວ.
ທ່ານ ຈໍ່ ໂມ ນັກທຸລະກິດອາຍຸ 50 ປີ ໄດ້ກ່າວວ່າ ເຂົາມາຢືນຕໍ່ຄິວລໍຖ້າດົນເຖິງ 3 ຊົ່ວໂມງ ເພື່ອຊື້ຈືນໄກ່ໄປຕ້ອນສະມາຊິກໃນຄອບຄົວ 8 ຄົນ ໃນຂະນະທີ່ ທ້າວ ເຕັດ ເອ ນັກສຶກສາອາຍຸ 18 ປີ ໄດ້ກ່າວດ້ວຍຄວາມດີໃຈວ່າ ຄົນມຽນມາຮຸ່່ນໃໝ່ ແມ່ນໄດ້ກິນອາຫານທີ່ຄ້າຍຄືກັບປະເທດອື່ນໆແລ້ວ.