ເມື່ອບໍ່ດົນມານີ້, ເຈົ້າໜ້າທີ່ ປກສ ເມືອງໄຊທານີ ນະຄອນຫລວງວຽງຈັນ ໄດ້ນຳກຳລັງເຂົ້າຈັບຕົວຂະບວນການຄ້າຢາເສບຕິດອັນຕະລາຍຢູ່ເຮືອນຫລັງໜຶ່ງ ໃນ ເຂດ ບ້ານໄຊສະຫວ່າງ ເມືອງໄຊທານີ ມີຜູ້ຕ້ອງຫາຄື ທ້າວເພັງສະຫວັນ ອາຍຸ 36 ປີຢູ່ ບ້ານໜອງໄຮ ທ້າວ ສົມປອງ ອາຍຸ 33 ປີຢູ່ບ້ານດົງໂພສີ ເມືອງຫາດຊາ ຟອງ ທ້າວສຸພາວັນ ອາຍຸ 17 ປີຢູ່ບ້ານສີດຳດວນ ເມືອງຈັນທະບູລີ ແລະ ນາງ ຈຸລາ ພອນ ອາຍຸ 15 ປີ ຢູ່ບ້ານຕາດທອງ ເມືອງສີໂຄດ ຕະບອງ ພ້ອມຂອງກາງຢາບ້າ 2 ພັນເມັດ ຢາໄອ 4 ຫໍ່ນ້ອຍ ປືນສັ້ນ 1 ກະບອກ ແລະ ກະສຸນ 15 ລູກ ຈຶ່ງໄດ້ຍຶດໄວ້ເປັນ ຫລັກຖານເພື່ອດຳເນີນຄະດີຕາມລະບຽບກົດໝາຍ.
ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວຮັບສາລະພາບວ່າ:ຢາບ້າຈຳນວນດັ່ງກ່າວແມ່ນຊື້ມາຈາກເຄືອຂ່າຍ ຢາເສບຕິດຢູ່ບ້ານສີບຸນເຮືອງ ເມືອງຈັນທະບູລີ ເພື່ອມາຈຳໜ່າຍໃຫ້ລູກຄ້າໃນເຂດນະຄອນຫລວງວຽງຈັນ, ເຊິ່ງເຈົ້າໜ້າທີ່ຈະ ຂະຫຍາຍຜົນເພື່ອນຳຈັບຜູ້ຖືກຊັກທອດທີ່ຮ່ວມຂະບວນການຄ້າຢາເສບຕິດລາຍນີ້ມາດຳເນີນຄະດີຕາມລະບຽບກົດໝາຍໂດຍໄວ.
ແຫລ່ງຂ່າວ: ລາວພັດທະນາ