ໂຄປາ ອາເມລິກາ 2015 ຊິລີ ເຈົ້າພາບຈັດທັບໃຫຍ່ຮັບມື ເປຣູ ທີມມ້າມືດດີເດັ່ນ ທີ່ຜ່ານເຂົ້າສູ່ຮອບຮອງຊະນະເລີດແຂ່ງຂັນໃນວັນທີ 30 ມິຖຸນາ 2015 ເວລາ 06:30 ໂມງ
ມາເຖິງຮອບຮອງຊະນະເລີດແລ້ວສຳລັບ ຊິລີ ເຈົ້າພາບຈະພົບກັບ ເປຣູ ທີມມ້າມືດໃນປີນີ້, ສະພາບທີມໂດຍທົ່ວໄປຂອງ ຊິລີ ບໍ່ມີ ກອນຊາໂລ ຮາລາ ກອງຫຼັງຂອງທີມຫຼັງຈາກຖືກແບນຫຼັກຈາກທີ່ປະທະກັບ ຄາວານີ ເຮັດໃຫ້ມີໂທດແບນ 3 ນັດ ໝົດສິດລົງຫຼີ້ນເປັັນທີ່ຮຽບຮ້ອຍແລ້ວແຕ່ສໍາລັບຜູ້ຫຼີ້ນຄົນອື່ນຍັງຄົງພ້ອມໜ້າພ້ອມຕາກັນຢູ່ນຳທີມໂດຍ ອາເລັກຊິສ ຊານເຊສ ເປັນຜູ້ນຳໃນແດນໜ້າ
ທາງດ້ານ ເປຣູ ທີມມ້າມືດທີ່ມາແຮງສຸດໃນປີນີ້ຊະນະ ໂບລີເວຍ 3-1 ປະຕູ ຜ່ານເຂົ້າສູ່ຮອບຮອງຊະນະເລີດໄດ້ສຳເລັດ, ສະພາບທີມໂດຍທົ່ວໄປບໍ່ມີບັນຫານັກເຕະບາດເຈັບຫຼືຖືກໂທດແບນ ເປົາໂລ ເກໂຣໂຣ່ ກອງໜ້າທີ່ຍິງແຮັດທຣິກໃນນັດຫຼ້າສຸດລົງບັນຊາໃນແດນໜ້າເຊັ່ນເຄຍພ້ອມກັບ ເຄລລາດິໂອ ປິຊາໂຣ ກອງໜ້າກັບຕັນຂອງທີມ
ສະໜາມ: ເອສຕາດິໂອ ນາຊິອອງນານ ຮູລີໂຮ ມາຕີເນສ ປຣາດາໂນສ
ເວລາເຕະ: 06:30 ໂມງ
ວັນທີເຕະ:30 ມິຖຸນາ 2015