ເວັບຂ່າວ Kapook.com ຂອງໄທ ໄດ້ລາຍງານວ່າ ຊາວບ້ານວັງຫລວງ ເມືອງໜອງມ່ວງໄຂ່ ແຂວງແພ່ ປະເທດໄທ ໄດ້ພາກັນເຮັດພິທີແຫ່ນາງແມວເພື່ອຂໍຝົນ ເນື່ອງຈາກສະພາບອາກາດແຫ້ງແລ້ງຈັດ ໂດຍຊາວບ້ານໄດ້ນຳໃຊ້ຕຸກກະຕາໂດເຣມອນ ມາຂັງໄວ້ໃນກົງເພື່ອແຫ່ ແທນການນຳໃຊ້ແມວແທ້ ຍ້ອນຢ້ານແມວອາດເຈັບເປັນ ຖ້າຫາກໃຊ້ແມວແທ້ມາແຫ່ໃຫ້ຊາວບ້ານຫົດນ້ຳ ເນື່ອງຈາກແມວເປັນສັດທີ່ບໍ່ມັກນ້ຳ ຖ້າຫາກນຳເອົານ້ຳມາຫົດ ກໍອາດເຮັດໃຫ້ແມວເປັນພະຍາດປອດບວມ ເຖິງຂັ້ນເສຍຊີວິດໄດ້ ເຊິ່ງຜິດຕໍ່ກົດໝາຍວ່າດ້ວຍການຄຸ້ມຄອງສັດຂອງໄທ ຈິ່ງເຮັດໃຫ້ຊາວບ້ານນຳໃຊ້ຕຸກກະຕາໂດເຣມອນ ມາປະຍຸກໃຊ້ໃນພິທີກຳອັນເກົ່າແກ່ນີ້ແທນ.
